शिंदखेडा तालुक्यातील चिलाणे येथील प्रमोद चिलाणेकर यांना राज्यस्तरीय उपक्रमशील मुख्याध्यापक पुरस्कार प्रदान
शिंदखेडा (यादवराव सावंत) तालुक्यातील चिलाणे येथील रहिवाशी व एरंडोल तालुक्यातील शैक्षणिक, सामाजिक, राजकिय, धार्मिक, सहकार व क्रांतीकारक व हुतात्मांच्या भूमी असलेले आडगाव येथील धनराज खंडेराव पाटील माध्यमिक शाळेचे उपक्रमशील मुख्याध्यापक प्रमोद पाटील चिलाणेकर यांना राजनंदिनी बहुउदेशीय संस्थेमार्फत उपक्रमशील मुख्याध्यापक म्हणून पुरस्काराने गौरविण्यात आले.
जिल्हाधिकारी कार्यालय अल्पबचन भवन सभागृहात माजी आमदार स्मिता वाघ, महापौर जयश्री महाजन, उपमहापौर कुलभूषण पाटील, सामाजिक कार्यकर्ते डॉ महेंद्र काबरा, संदिप वाघ, ज्ञानेश्वर वाघ, जळगाव जिल्हा कुणबी मराठा पाटील वधु वर संस्थेचे अध्यक्ष सुमित पाटील यांच्या उपस्थित पुरस्कार प्रदान करण्यात आला. प्रमोद पाटील चिलाणेकर यांचे उपक्रम हे विद्यार्थी हिताचे त्यांच्या कलागुणांना वाव मिळावा त्यांची गुणवत्ता वाढ, साक्षरता, अश्या अनेक बाबींवर त्यांचे लक्ष केंद्रीत असते. कमी काळात विविध उपक्रम राबवून शाळेच्या नावलौकिकात भर पाडली आहे लोकमत मार्फत दिला जाणारा उत्कृष्ट स्कूल आवार्ड देखील शाळेला मिळाला. प्रमोद पाटील चिलाणेकर यांचे कार्य शैक्षणिक, सामाजिक, साहित्य, पत्रकारिता, सहकार क्षेत्रात असून महाराष्ट्र राज्य यूथ फाऊंडेशन दिल्ली. प्रदेशाध्यक्ष म्हणून काम पाहत आहे.
राष्ट्रीय मानवधिकार सामाजिक न्याय संगठनचे जिल्हाध्यक्ष, भारतीय पत्रकार संघाचे जिल्हाध्यक्ष, अखिल भारतीय मराठी साहित्य परिषद जळगावचे जिल्हाध्यक्ष राज्य समता शिक्षक परिषदचे माजी जिल्हाध्यक्ष एरंडोल तालुका टि डि एफ चे तालुकाध्यक्ष, एरंडोल व धरणगाव तालुका शिक्षक व कर्मचारी सहकारी पतसंस्थेचे चेअरमन, मराठी अध्यापक संघाचे तालुकाध्यक्ष , कै आबासाहेब खंडेराव श्रीपत पाटील सहकारी फ्रुट सेल संस्थेचे संचालक, आडगाव शिक्षण प्रसारक मंडळ संचलित धनराज खंडेराव पाटील माध्यमिक शाळेचे मुख्याध्यापक लोकमतचे पत्रकार अशा विविध क्षेत्रात उत्कृष्ट रित्या कार्यरत असून चिलाणेकर नावाने संपूर्ण जिल्हात नावलौकिक आहे. त्यांच्या कार्याची दखल संस्थेने घेतली. त्यांना पुरस्कार मिळाल्याने विविध क्षेत्रातील मान्यवरांनी त्यांचे अभिनंदन केले.
