बुधवारपासून शासकीय धान्य खरेदीचा शुभारंभ ; बाजार समिती आवारातील शासकीय गोदामात खरेदी सुरू
अमळनेर (प्रतिनिधी) शासनाच्या भरड धान्य खरेदी सुरू झाली असून बुधवारी शासकीय धान्य खरेदीचा शुभारंभ झाला. बाजार समिती आवारातील शासकीय गोदामात खरेदी सुरू झाली आहे.
यावेळी प्रमुख अतिथी जिल्हा परिषद सदस्या जयश्री पाटील, बाजार समिती मुख्य प्रशासक तिलोत्तमा पाटील, राष्ट्रवादी काँग्रेसचे तालुकाध्यक्ष सचिन पाटील, काँग्रेसचे तालुकाध्यक्ष गोकुळ बोरसे, शिवसेना तालुका प्रमुख विजय पाटील, गुणवंत पाटील, संदीप पाटील, सुरेश पाटील, दीपक बागुल, भाईदास महाजन, वसंत पाटील, महेंद्र पाटील, काळू पाटील, प्रल्हाद पाटील, शेतकी संघ मुख्य प्रशासक संजय पाटील, महेश देशमुख, अलीम मुजावर, उमाकांत पाटील, संजय भिला पाटील, रावसाहेब पाटील, ज्ञानेश्वर पाटील, बी के सूर्यवंशी, सुधाकर धनगर, प्रा सुरेश पाटील, धनराज पवार, जिल्हा मार्केटिंग अधिकारी, जिल्हा मार्केटिंग अधिकारी जी एन मगरे, सहकार अधिकारी सुनील महाजन, तहसीलदार मिलिंद वाघ, गोदाम व्यवस्थापक रवींद्र महाडिक, शेतकी संघ व्यवस्थापक संजय पाटील, आदी उपस्थित होते.
यावेळी जिल्हा परिषद सदस्या जयश्री पाटील बाजार समिती मुख्य प्रशासक तिलोत्तमा पाटील यांच्या हस्ते काटापूजन करण्यात आले. व प्रथम विक्री करणारे शेतकरी भास्कर पाटील यांचा सत्कार करण्यात आला. शेतमालास किमान आधारभूत हमीभाव मिळावा, यासाठी शासनाने हमीदर जाहीर करुन नाफेड तसेच पणन महासंघामार्फत प्रत्येक तालुकास्तरावर केंद्र उघडून शेतमालाची खरेदीसुरू झाली असून ज्वारी खरेदीची शेतकऱ्यांसाठी हेक्टरी मर्यादा ८.२१ क्विंटल वरून १६.५ क्विंटल पर्यंत वाढवण्यात आली आहे. त्यामुळे शेतकऱ्यांना जास्तीत जास्त माल हमी भावात विकता येणार आहे.
अमळनेर तालुका शेतकरी सहकारी संघात ज्वारी साठी ४४२, तर मक्यासाठी २३५, व बाजरीसाठी फक्त ७ शेतकऱ्यांनी नोंदणी केली आहे. ज्वारी साठी तालुक्याला २५ हजार ६५८ क्विंटल, मक्यासाठी १६ हजार ९८५ क्विंटल व बाजरीसाठी १०१६ क्विंटल खरेदी उद्दिष्ट ठेवले आहे. मक्यासाठी हेक्टरी मर्यादा १९.३९ क्विंटल आहे तर बाजरीची हेक्टरी मर्यादा ४.२२ क्विंटल आहे.
मका भाव १८७०
ज्वारी भाव २७३८
बाजरी भाव २२५०
