सोयगाव (विवेक महाजन) महाराष्ट्र राज्य उच्च व तंत्र शिक्षण विभाग आणि महाराष्ट्र तंत्रज्ञान केंद्र यांच्या संयुक्त विद्यमानाने करियर कट्टा यात उपक्रमाअंतर्गत सोयगाव तालुका समन्वयकपदी डॉ. लक्ष्मीनारायण कुरपटवार यांची नियुक्ती करण्यात आली.
अजिंठा शिक्षण संस्था संचलित संत ज्ञानेश्वर महाविद्यालय सोयगाव येथे वाणिज्य विभाग प्रमुख म्हणून ते कार्यरत असून ‘करिअर कट्टा ‘हा उपक्रम महाराष्ट्र भर विद्यार्थ्यांना करियर घडविण्यासाठी एक सुवर्णसंधी उपलब्ध करून देत आहे. आयएएस आपल्या भेटीला, उद्योजक आपल्या भेटीला, एमपीएससी फाउंडेशन कोर्स, ई फाइलिंग, सेक्युरिटी कोर्स अशी विविध स्वरूपाचे कोर्स विद्यार्थ्यांना मिळत आहेत. डॉ.कुरपटवार मागील वीस वर्षापासून सोयगाव सारख्या ग्रामीण भागात विद्यार्थ्यांना करियर मार्गदर्शन करीत आहे. त्यांच्या निवडीबद्दल यशवंत शितोळे, अध्यक्ष महाराष्ट्र माहिती सहाय्यता केंद्र व रंगनाथ काळे अध्यक्ष अजिंठा शिक्षण संस्था, प्रकाश काळे सचिव, अजिंठा शिक्षण संस्था, प्राचार्य डॉ. गणेश अग्निहोत्री, उपप्राचार्य डॉ. शिरीष पवार, डॉ. रावसाहेब बारोटे,पदव्युत्तर व संशोधक केंद्रप्रमुख डॉ.भोरे व कार्यालयीन अधिक्षक पंकज साबळे तसेच सर्व प्राध्यापक वृंद शिक्षक, शिक्षक कर्मचारी, विद्यार्थी यांनी त्यांचे अभिनंदन केले.
