कलाशिक्षक आर.टी. सोनवणे यांना गुणवंत शिक्षक पुरस्कार जाहीर

चोपडा : तालुक्यातील घोडगाव येथील नूतन शिक्षण प्रसारक मंडळ संचलित सी. बी.निकुंभ माध्य.उच्च. माध्य विद्यालयातील उपक्रमशील कलाशिक्षक श्री. आर.टी. सोनवणे यांना महात्मा ज्योतिराव फुले गुणवंत शिक्षक पुरस्कार जाहीर झाला. दरवर्षी जिल्ह्यातील उपक्रमशील शिक्षकांना महाराष्ट्र राज्य समता परिषदतर्फे २८ नोव्हेंबर या महात्मा ज्योतिराव फुले यांच्या स्मृतीदिनानिमित्त पुरस्कार जाहीर करण्यात येतो. श्री. सोनवणे यांनी राज्य तसेच जिल्ह्यातील विविध चित्रप्रदर्शनात सहभाग घेतला आहे. तसेच शालेय कार्यक्रमातील त्यांच्या फलक रेखाटन कलेला विविध पुरस्कार प्राप्त झाले आहेत. त्यांची निवड झाल्याबद्दल संस्थेचे सचिव जवरीलाल जैन यांनी सत्कार केला. संस्थेचे अध्यक्ष चंद्रहासभाई गुजराथी,उपाध्यक्ष द्रवीलाल पाटील, सचिव जवरीलाल जैन,संचालक मंडळ, मुख्याध्यापक आर. पी. चौधरी,पर्यवेक्षक व्ही.ए. नागपुरे,शिक्षक -शिक्षकेतर कर्मचाऱ्यांनी अभिनंदन केले आहे.