अजित पवारांचा मोबाईल नंबर वापरून बिल्डरला २० लाखांच्या खंडणीसाठी धमकी

पुणे (प्रतिनिधी) पुण्यातील बांधकाम व्यवसायिकाला उपमुख्यमंत्री अजित पवार यांच्या मोबाईल क्रमांकाचा वापर करुन खंडणीसाठी धमकी दिल्याची घटना उघडकीस आली आहे. अ‍ॅपचा गैरवापर करुन आरोपींनी अजितदादांच्या नावाने फोन केला.

अजित पवार यांचा पीए चौबे बोलत असल्याचं सांगून आरोपींनी २० लाख रुपयांची खंडणी मागितल्याचा आरोप आहे. पुण्यातील बंडगार्डन पोलीस स्टेशनमध्ये गुन्हा दाखल करण्यात आला आहे. आरोपींनी बिल्डरकडून दोन लाख रुपये उकळले सहा जणांना बेड्या ठोकण्यात आल्या. पुणे शहरातील बिल्डरला उपमुख्यमंत्री अजित पवार यांचा पीए बोलत असल्याचं सांगणारा फोन आला होता. अँपद्वारे अजित पवार यांच्या मोबाईल क्रमांकाचा गैरवापर करुन आरोपींनी बांधकाम व्यवसायिकाला फोन केल्याची माहिती आहे. बिल्डरकडे २० लाख रुपयांची खंडणी मागून दोन लाख रुपये आरोपींनी घेतले.

उपमुख्यमंत्री अजित पवार यांचा पीए चौबे बोलत असल्याचं सांगून आरोपींकडून १३ जानेवारीपर्यंत दहा दिवसांपासून धमकीचा प्रकार सुरु होता. अखेर बिल्डरने बंडगार्डन पोलीस स्टेशनमध्ये तक्रार दाखल केली. बंडगार्डन पोलीस ठाण्यात आयपीसी कलम 384, 386, 506, 34 आयटी अँक्ट कलम 66 (सी), (डी) नुसार गुन्हा दाखल करण्यात आला.