देगलूर : इस्लाम धर्मात पवित्र रमजान या महिण्याला अनन्य महत्व प्राप्त आहे. या महिन्यात सर्वच मुस्लिम बाधंवाना रोजा फर्ज सक्तिचे असतात. लहानापासून ते मोठ्यांपर्यंत या महिन्यात रोजा धरत असतात. पालकांचे पाहुन लहान मुलांनाही (उपवास) रोजा धरण्याची लालस निर्माण होते. त्यामुळे लहान चिमुकले हि मोठ्यांचे अनुकरण करीत रोजा धरतात.
अश्याच प्रकारे बीलोली तालुक्यातील केरुर येथील सय्यद गौस यांची 7 वर्षीय मुलगी शाहिस्ता सय्यद गौस या चिमुकलीने पवित्र रमजान महिन्याचे औचित्य साधून (दि.6) एप्रिल बुधवार रोजी आपल्या आयुष्यातील पहिला रोजा रखरखत्या उन्हातही दिवसभर अन्नाचा कण व पाण्याचा एक थेंब न घेता काटेकोरपणे यशस्वी पूर्ण केल्याबद्दल मामा शेख अफझल अटकलीकर, देगलूर येथील पत्रकार जावेद अहमद नातेवाईक व ईतरानी ही त्याचे कौतुक व अभिनंदन करत आहे.
