बोदवड (सतीश बावस्कर) तालुक्यातील लोणवाडी हे गाव तीन हजार लोकसंख्येचे असून येथील सरपंच शिलाबाई सुरेश पाटील यांचे चिरंजीव प्रफुल्ल पाटील हे जनतेसाठी आरोग्यदूत असल्याचे प्रतिपादन लोणवाडी येथील ग्रामस्थांनी केले असल्याचे वृत्त आहे
याबाबत सविस्तर असे की लोणवाडी या गावांमध्ये त्यांच्या आई सरपंच आहेत.सरपंच असतांना त्यांनी अनेक कामांना गती दिली असल्याचे कळते. त्यामध्ये 15 वित्त आयोगातून त्यांनी काँक्रिटीकरण केले आहे. मुख्यमंत्री सहायता निधी मधून एकूण 25 जणांना त्यांनी आजारी असतांना ऑपरेशनसाठी कॅन्सर हॉस्पिटल, जेजे हॉस्पिटल, टाटा हॉस्पिटल,अशा अनेक ठिकाणी कॅन्सरचे पेशंट किडनीचे पेशंट घेऊन त्यांना औषधोपचार केला आहे. फक्त लोन वाडी येथील जनतेसाठी नव्हे तर जळगाव जिल्ह्यातील कोणत्याही तालुक्यातील व्यक्तींना ते नेहमी आरोग्य साठी औषध उपचारासाठी सहकार्य करतात. रात्र असो की दिवस असो ते केव्हाही जनतेसाठी उपलब्ध असतात त्यामुळे जनतेमध्ये त्यांना आरोग्यदूत असल्याचे उपाधी मिळाली मिळाली आहे. एवढेच नव्हे तर त्यांनी लोणवाडी दलित वस्तीमध्ये काँक्रिटीकरण करून 15 वित्त आयोग मार्फत पेवर ब्लॉक व पाईपलाईन अंतर्गत रस्ते केले आहे. त्याचप्रमाणे डॉ.बाबासाहेब आंबेडकर सामाजिक विकास निधी मधून वीस लाख निधी नाथा भाऊंच्या प्रयत्नाने गावासाठी खेचून आणला आहे. त्यामध्ये सभामंडप ,समाज मंदिर रस्ता बुद्ध विहार समोरील रस्ता असे अनेक कामे करण्याचा त्यांनी मानस व्यक्त केला आहे. त्याचप्रमाणे लोणवाडी गावांमध्ये पाणी टंचाई असल्यामुळे 20 दिवसांनंतर पाणी येते.त्यांनी विहीर अधिग्रहण करून गावातील पाण्याची समस्या सोडवण्याचा प्रयत्न केला असल्याचे दिसून येत आहे. एमआरजीएस अंतर्गत नवीन निधी उपलब्ध करून उऱ्हा धरणातून पाईपलाईन करण्याचा त्यांचा संकल्प असल्याचे त्यांनी प्रतिपादन केले आहे.
लोणवाडी पिंपळगाव देवी रस्ता हा देखील लवकरच पूर्ण होणार असल्याचे त्यांनी बोलतांना सांगितले. गावामध्ये व्यायाम शाळा जिल्हा परिषद शाळेमध्ये वॉल कंपाऊंड चे काम असे अनेक काम करणार असल्याचे त्यांनी सांगितले. एवढेच नव्हे तर गावात तुडूंब भरलेल्या गटारी साफ करून त्यांनी नवीन गटारी बांधल्या. गावात येणारा मुख्य रस्ता न होता तो रस्ता बांधला, दलित वस्ती मध्ये कॉंक्रिटीकरण केले. गावामध्ये ग्रामपंचायत कडून चक्की घेऊन ज्या लोकांनी घरपट्टी पूर्ण भरली त्यांना मोफत दळण करून देणार असल्याचे त्यांनी सांगितले. शेवटी बोलतांना गावांमध्ये ऍक्वा प्लांट घंटागाडी तसेच शेलवड गणातून उभे राहणार असल्याचेही मनोगत प्रफुल पाटील यांनी व्यक्त केले आहे.
