बार्शीचे आमदार राजेंद्र राऊत यांच्या विरुद्ध कार्यवाही ची मागणी

सोयगाव : राज्यात गाजत असलेल्या एस टी कर्मचाऱ्यांच्या संपास विविध संघटनांनी पाठिंबा दर्शविला असून काही लोकप्रतिनिधी संपकऱ्यांची भेट घेऊन पाठिंबा दर्शवित असल्याने अशाच प्रकारे बार्शीचे आमदार राजेंद्र राऊत हे बार्शी बसस्थानक येथे एस टी कर्मचाऱ्यांचे आंदोलनास भेट देण्यासाठी गेले असता कर्मचाऱ्याच्या आंदोलनात बोलतांना अपंग व्यक्ती व त्याचा सहकारी एस टी बसने फुकट प्रवास करीत असल्यामुळे राज्य परिवहन महामंडळ तोट्यात गेले आहे असे वक्तव्य केल्याने दिव्यांगांच्या भावना दुखावल्या गेल्या आहे. याप्रकरणी दिव्यांग व्यक्ती हक्क अधिनियम २०१६ च्या कायद्यानुसार दिव्यांग योजना विषयी विरोध व अपशब्द वापरणाऱ्या व्यक्ती विरोधात कारवाई करण्याची तरतूद असल्याने या कायद्यानुसार आमदार राजेंद्र राऊत यांच्या विरोधात गुन्हा दाखल करण्याची मागणी प्रहार अपंग क्रांती आंदोलन सोयगाव च्या वतीने सपोनि सुदाम शिरसाठ यांच्याकडे लेखी निवेदनाद्वारे केली आहे या निवेदनावर प्रहार अपंग क्रांती आंदोलनाचे तालुका अध्यक्ष संदीप इंगळे,अनिल लोखंडे, मंगला जोहरे, उर्मिला इंगळे,भास्कर श्रीखंडे, संजय मिसाळ,पांडुरंग रोकडे,ज्ञानेश्वर भिवसने आदींच्या स्वाक्षऱ्या आहे.