मालपूर येथील तरूण भास्कर कोळी यांचा मोटरसायकल अपघातात मृत्यू
दोंडाईचातील शिंदखेडा उड्डाण पुलाजवळ झालेली घटना
दोंडाईचा : मालपूर ता.शिंदखेडा येथील व्यवसायाने मिस्तरी काम करणारे भास्कर ओंकार कोळी (वय-३९) हे आपली भाची सुन व अडीच वर्षाचा नातु यांना सोडायला उंटावद-शिरपुर ह्या गावी जात असताना दोंडाईचा येथील शिंदखेडा रस्त्यावर उड्डाण पुलाचे काम सुरू असलेल्या पिल्लरला मोटर सायकल क्रमांक एम.एच.१८-बी.के-००६९ ची जोरदार धडक दिल्याने मोटर सायकल चालक भास्कर कोळी यांचा जागीच मुत्यू झाला तर अन्य दोन जण जखमी झाल्याची घटना घडली आहे.
याबाबबत मिळालेली माहिती अशी की,आज दिनांक २ जुन गुरूवार रोजी दुपारी मालपुर येथील व्यवसायाने मिस्तरी असलेले भास्कर ओंकार कोळी हे दीड वाजता आपली भाची सुन व अडीच वर्षाचा नातु यांना उंटावद-शिरपुर येथे माहेरी सोडायला निघाले असता.दोंडाईचा जवळ शिंदखेडा कडे जाणाऱ्या जुन्या रेल्वे गेटजवळ उड्डाण पुलाचे बांधकाम सुरू आहे. त्याठिकाणीं कच्च्या रस्त्यावरून जाताना रहदारीचा अंदाज न आल्यामुळे उभ्या पिल्लरला हिरो कंपनीची एच.एफ.डिलक्स मोटर सायकल क्रमांक एम.एच.१८-बी.के-००६९ हीची जोरदार धडक दिल्याने जागेवरच भास्कर कोळी यांचा मुत्यू झाला तर अन्य दोन जण जखमी झाले आहेत.याबाबबत दोंडाईचा पोलीस स्टेशनला मोटर अपघात कायदा खाली गुन्हा दाखल करण्यात आला आहे.
