धुळे (विक्की आहिरे) धुळे तालुक्यातील सडगाव शिवारात पिकप वाहनातून अवैधरित्या गुरांची वाहतूक होत असल्याची माहिती गोरक्षकांनी पोलिसांना दिली. त्यानुसार पोलिस पथकाने तातडीने येऊन गुरांसह टेम्पो जप्त केला. याप्रकरणी तालुका पोलीस ठाण्यात गुन्हा दाखल करण्यात आला आहे.
मुंबई-आग्रा राष्ट्रीय महामार्गावर सडगाव शिवारात पिकअप वाहनातून गुरांची अवैधरीत्या वाहतूक केली जात असल्याचे गोरक्षनाथांच्या निदर्शनास आले याची माहिती त्यांनी पोलिसांना दिली. त्यानुसार तालुका पोलीस निरीक्षक हेमंत पाटील यांच्या मार्गदर्शनाखाली पथक सडगाव येथे पाठविण्यात आले. त्यानुसार टेम्पो चालकाला पकडून वाहनातील गुरांबद्दल विचारणा केली असता त्याने उडवाउडवीची उत्तरे दिली. त्यामुळे पोलिसांनी ३५ हजार रुपये किमतीच्या वाहनासह बारा हजार रुपयांच्या गुरांसह एकूण ४७ हजार रुपयांचा मुद्देमाल जप्त केला. या प्रकरणी तालुका पोलीस ठाण्यात गुन्हा दाखल करण्यात आला.
