राज्यमंत्री अब्दुल सत्तार यांच्या हस्ते संत ज्ञानेश्वर वारकरी शिक्षण संस्थेच्या ईमारत बांधकामाचे भूमिपूजन
बांधकामासाठी केली ५१ हजार रुपयांची आर्थिक मदत
सिल्लोड (प्रतिनिधी) तालुक्यातील उंडणगाव येथील संत ज्ञानेश्वर महाराज वारकरी शिक्षण संस्थेच्या नवीन ईमारत बांधकामाचे भूमिपूजन महसुल तथा ग्रामविकास राज्यमंत्री अब्दुल सत्तार यांच्याहस्ते आज संपन्न झाले. यावेळी राज्यमंत्री अब्दुल सत्तार यांनी या कामासाठी ५१ हजार रुपयांची आर्थिक मदत दिली.
यावेळी शिवसेना तालुकाप्रमुख देविदास पा. लोखंडे, जिल्हा बँकेचे उपाध्यक्ष अर्जुन पा. गाढे, अशोक सूर्यवंशी, शेती तज्ञ भगवानराव कापसे, कृउबा समितीचे संचालक दामूअण्णा गव्हाणे, ईश्वर जाधव, सतीश ताठे, नॅशनल सुत गिरणीचे संचालक राजेंद्र ठोंबरे, बाळासाहेब वाघ, मारुती वराडे, चिंचपुर येथील भगवान महाराज जंजाळ, नागेश महाराज कदम आदींची प्रमुख उपस्थिती होती.
आधुनिकतेच्या नावाखाली आज आपल्या संस्कृतीचा अनेकांना विसर पडत आहे अशी खंत व्यक्त करीत वारकरी शिक्षण संस्थेसारख्या संस्था निर्माण झाल्या पाहिजेत जेणे करून आपल्या संस्कृतीचे जतन व संवर्धन होईल असे स्पष्ट करीत वारकरी संप्रदायाचे कार्य प्रेरणादायी असून येथील वारकरी शिक्षण संस्थेच्या उभारणीसाठी सर्वोतोपरी मदत करू अशी ग्वाही राज्यमंत्री अब्दुल सत्तार यांनी याप्रसंगी दिली.
यावेळी वारकरी शिक्षण संस्था उभारण्यासाठी येथील शेतकरी साहेबराव दांडगे, बाजीराव दांडगे, तेजराव दांडगे यांनी त्यांची जमीन दान दिल्याबद्दल राज्यमंत्री अब्दुल सत्तार यांच्याहस्ते त्यांचा सत्कार करण्यात आला. कार्यक्रमास राजाराम पाडळे, मोतीराम पाडळे, राजकुमार भोटकर, बाबुराव पंडित, राजू सपकाळ, भिका वाघ, अनिल भोटकर, सय्यद जब्बार, सुनील सोनवणे, विजय नाईक, जगन पाटील, उमेश हजारी, अजगर झारेकर, संजय धनवई, डॉ. सनान्से आदींसह उंडणगाव व परिसरातील नागरिकांची उपस्थिती होती.
