एकाचवेळी चार पोलिस कर्मचारी निलंबित ; डॉ. प्रविण मुंढेंची कारवाई

जळगाव : जळगाव जिल्हा पोलीस अधीक्षक डॉ. प्रविण मुंढे यांनी पोलीस दलातील चार पोलीस कर्मचाऱ्यांना निलंबित केले आहे. संदीप पंडितराव ठाकरे, पारस नरेंद्र बाविस्कर, किरण अशाेक काेळी, राजेश पुरुषाेत्तम काेळी असे निलंबित पाेलिसांचे नावे आहेत.

जिल्हा रुग्णालयात उपचारांसाठी दाखल कैदी सतीश गायकवाड व दशरथ महाजन या दोघांमध्ये रविवारी रात्री कैदी वॉर्डात वाद झाले. या प्रकारामुळे वॉर्डात दहशत पसरली होती. साेमवारी पोलिसांनी अदखलपात्र गुन्हा दाखल केला. तर वॉर्ड क्र. ९ मधील डॉक्टरांनी गोपनीय अहवाल वैद्यकीय अधिष्ठातांना दिला. यात रुग्णालयाच्या वॉर्डात येणारे कैदी पोलिसांच्या उपस्थितीत दारू पितात आणि दारूमुळे नशा आल्यावर एकमेकांशी भांडण व हाणामाऱ्या करतात. तिथे त्यांची पत्नी, नातेवाईक, कार्यकर्ते त्यांना भेटायला येतात. त्यांच्यासोबत ते आवारात फिरून येतात. मोबाइलवर बोलत राहतात. त्यांच्या या कृत्यांमुळे जिल्हा रुग्णालयातील शेजारच्या वाॅर्डात दहशत पसरली असून, रुग्णांनाा त्रास होतो आहे, असे नमूद केले होते. त्यामुळे या प्रकरणाचे गांभीर्य वाढले होते. दरम्यान, पोलीस कर्मचाऱ्यांनी कैद्यांना मोबाईल वापरासह नातेवाईकांना भेटण्याची मोकळीक दिली असल्यामुळे डॉ. प्रविण मुंढे यांनी पोलीस दलातील चार पोलीस कर्मचाऱ्यांना निलंबित करण्याची कारवाई करण्यात आली आहे.