चोपडा (विश्वास वाडे) पंकज कला व विज्ञान महाविद्यालय चोपडा येथे राज्यशास्त्र विभागाच्यावतीने महाविद्यालयाचे प्राचार्य डॉ. महादेव वाघमोडे यांच्या प्रमुख उपस्थितीत जागतिक मानवाधिकार दिन कार्यक्रम संपन्न झाला. कार्यक्रमाच्या सुरुवातीला कुंन्नुर येथील दुर्घटनेत भारतीय सैन्य दलातील वीरगती प्राप्त झालेल्या सर्व शहिदांना विनम्र श्रद्धांजली अर्पण करण्यात आली.
डॉ. संजय पाटील यांनी कार्यक्रमाच्या प्रास्ताविकातून संयुक्त राष्ट्रसंघाच्या मानवाधिकार बद्दलची असलेली भूमिका स्पष्ट केली. प्रा.दिपकराव देवरे यांनी मूलभूत अधिकार व कर्तव्य यावर मार्गदर्शन करून सर्वांच्या मूलभूत अधिकारावर बाबत जनजागृती करण्याचे आवाहन केले. महाविद्यालयाचे प्राचार्य डॉ. महादेव वाघमोडे यांनी विद्यार्थ्यांना आणि उपस्थितांना मानवाधिकाराबाबत असलेल्या संविधानिक तरतुदी, कायदे आणि राष्ट्रीय मानवाधिकार आयोग याबाबत मार्गदर्शन केले. कार्यक्रमाचे सूत्रसंचालन डाॅ.नंदिनी वाघ यांनी केले. कार्यक्रमाचे आभार प्रदर्शन प्रा.अजय पाटील यांनी मानले. कार्यक्रम प्रसंगी महाविद्यालयातील प्राध्यापक, विद्यार्थी उपस्थित होते. कार्यक्रमाच्या यशस्वितेसाठी शिक्षकेतर कर्मचाऱ्यांनी परिश्रम घेतले.
