चोपडा (विश्वास वाडे) राज्यपाल भगतसिंग कोश्यारी यांच्या छ.शिवरायांच्या प्रति केलेल्या चुकीच्या वक्तव्याचा निषेध तसेच त्याच्यावर गुन्हा दाखल करणेबाबत चोपडा येथील शिवप्रेमींचे पोलीस निरीक्षक यांना निवेदन देण्यात आले आहे.
महाराष्ट्राच्या राज्यपाल पदी कार्यरत असलेले भगतसिंग कोश्यारी यांनी औरंगाबाद येथे दिनांक २७ फेब्रुवारी २०२२ रविवार रोजी एका जाहीर कार्यक्रमात विविध प्रसारमाध्यमांच्या प्रतिनिधींच्या समोर राष्ट्रपुरुष छत्रपती शिवाजी महाराज यांचे बाबत “अगर संत रामदास नही होते तो शिवाजीको कोन पहिचानता?-संत रामदास शिवाजीके गुरु थे” अश्या प्रकारे छत्रपती शिवाजी महाराजांचा एकेरी उल्लेख करत व खोटा इतिहास सांगत महाराष्ट्रातील जनतेच्या भावना दुखावल्या आहेत.
रामदास व छत्रपती शिवराय यांच्या संबंधित उच्च न्यायालयाच्या औरंगाबाद खंडपीठासमोरील क्रिमिनल अर्ज क्रमांक ९९५/२००८ मध्ये १६ जुलै २०१८ रोजी मे.न्यायालयाने सुस्पष्ट निकाल दिला असताना छत्रपती शिवाजी महाराजांना कमी लेखण्याचा व त्यांच्या महानकर्तृत्वास नाकारण्याचा प्रयत्न भगतसिंग यांनी करून अक्षम्य गुन्हा केला आहे. म्हणून राज्यपाल श्री भगतसिंग कोशारी यांच्यावर तक्रार नोंदवण्यासाठी विनंती करणारे तसेच त्यांच्या वक्तव्याचा निषेध करून नायब तहसिलदार सय्यद व निवेदन चोपडा शहर पोलिस स्टेशनचे पोलीस निरीक्षक यांच्या वतीने ए.पी.आय.अजितकुमार सावळे यांनी शिवप्रेमींकडून स्वीकारले.
यावेळी प्रा.संदीप पाटील, भटू पाटील, प्रकाश पाटील, अनिल वानखेडे, विकास पाटील, प्रमोद बोरसे, डॉ.रोहन पाटील, प्रा.महेंद्र बोरसे, नरेंद्र महाजन, दिव्यांक सावंत, हरिश्चंद्र देशमुख, रमेश पवार, प्रा.प्रदीप पाटील, एकनाथ पाटील, धनंजय पाटील, संदीप पाटील, कुलदीप पाटील, उपेंद्र पाटील आदी उपस्थित होते.
