भुसावळ (ओमशंकर रायकवार) दोन वर्षाच्या दीर्घ काळांतराने यंदा येणारे सर्वस्व सण साजरे करण्याची परवानगी प्रशासनाकडून मिळाल्याने सर्व सामान्य नागरिकांमध्ये उत्साहाची लाट उसळली आहे. सालाबाद प्रमाणे दि. १४ एप्रिल रोजी महामानव विश्वरत्न प.पू.डाॅ.बाबासाहेब आंबेडकर यांची १३१ वी जयंती भुसावळकरांनी अति उत्साहात व जल्लोषात साजरी केली.
डाॅ.बाबासाहेबांच्या जीवनी आधारित विविध प्रकारचे देखणे साकारुन व डी.जे.च्या तालावर गाजाबाजात नाचून मिरवणुक काढण्यात आली. त्यानंतर शहरातील मुख्य चौक वर स्थित डाॅ.बाबासाहेब आंबेडर पूर्णकृति पुतळ्यास माल्यार्पण,वंदन करुन अभिवादन करण्यात आले.शहरातील विविध सुमारे ४० मंडळानी ह्या मिरवणुकीत सहभाग घेतला. कायदा सुव्यवस्था पोलीस उपविभागीय अधिकारी सोमनाथ वाघचौरे यांचा मार्गदर्शनाखाली बाजारपेठ पोलीस स्टेशनचे पोलिस निरीक्षक राहुल गायकवाड शहर पोलीस स्टेशनचे पोलिस निरीक्षक गजानन पडघन,तालुका पोलीस स्टेशनचे विलास शेंडे, पोलिस अधिकारी, पोलिस कर्मचारी व होमगार्ड्स यांनी पाहिले.
प्रशासनाद्वारे दिलेली वेळेप्रमाणे रात्रि १२:०० वा. कार्यकमास विश्राम देण्यात आले जयंती उत्सव समिती चे अध्यक्ष शरद सोनवणे यांचा मार्गदर्शनाखाली हा कार्यक्रम पार पडला सदर प्रसंगी उत्सव समिती उपाध्यक्ष सुनिल ढिवरे, आरपीआई चे राजूभाऊ सूर्यवंशी, जगनभाई सोनवणे, पुष्पाताई सोनवणे, रमेशभाऊ मकासरे,रविभाऊ सपकाळे, पप्पुभाऊ सुरळकर,आदी मान्यवर उपस्थित होते.
