रावेर (प्रतिनिधी) रावेर जिल्हा परिषद जलसंधारण विभागात अचानक अँटी करप्शन प्रतिबंधक विभागाचे अधिकारी दाखल झाले असून तब्बल चार ते पाच तास चौकशी झाल्याची माहिती सूत्रांकडून मिळाली. दरम्यान, या माहितीने एकच खळबळ उडाली आहे.
रावेर तालुक्यात सन २०१५ ते २०१८ या तीन वर्षांच्या कालावधीत १ ९ गावांमध्ये या योजनेंतर्गत ४१७ कामांवर साडे तेरा कोटी रुपयांचा निधी खर्च होऊनही भूजल पातळी वाढली नाही. तर ज्या गावांमध्ये ही कामे करण्यात आली असून तेथील पाणी टंचाईचा प्रश्न आजही कायम आहे. ही कामे निकृष्ट झाल्याची नागरिकांमध्ये ओरड असल्याची तक्रार होती.
दरम्यान, शुक्रवारी दुपारच्या वेळेत जळगावच्या अँटी करप्शन पथकाने येथील लघु सिंचन विभागाची सुमारे चार तास झाडाझडती घेतली आहे. 7 ते 8 अधिकारी व कर्मचाऱ्यांच्या पथकाने दुपारपासून रात्री सात वाजे पर्यंत या कार्यालयातील कुसुंबा येथील साठवण बंधाऱ्याच्या सर्व कागदपत्रांची तपासणी केली. दरम्यान या संदर्भात जलसंधारण विभागाचे उप विभागीय अभियंता कुलकर्णी यांनी सांगितले की जलयुक्त शिवार व साठवण बंधारे संदर्भात झालेल्या कामांची चौकशी केल्याचे त्यांनी सांगितले.
त्याचप्रमाणे खालील संबंधित विभागाने “जलयुक्त” शिवारची कामे मार्गी लावले
या योजनेंतर्गत तालुक्यातील १९ गावात नाला खोलीकरण व बांध, सिमेंट बंधारे बांधणे, जुन्या बंधाऱ्यांची दुरुस्ती, साठवणी बंधारा, पाझर तलाव, शेततळे, मातीचे बंधारे अशी कामे करण्यात आली आहेत. कामे झालेल्या गावांपैकी बहुतांशी गावे आदिवासी भागातील आहेत. ही कामे रावेर वन,तालुका कृषी कार्यालय, विभाग(प्रादेशिक), पाल वन्यजीव विभाग,जिल्हा परिषदेचा लघुसिंचन,जलसंधारण विभाग, विभागाने केलेली आहेत.
