श्री साईबाबा सस्थांन व साईबाबा ऊत्सव समितीच्या वतीने अनिल साबळे यांचा सत्कार

बोदवड (सतिष बाविस्कर) बोदवड तालुक्यातील प्रसिद्ध असलेले देवस्थान साईबाबा मंदिर येवती येथे बोदवड तालुक्यातील व इतर जिल्ह्यातील भावी भक्त देव दर्शनासाठी येत असतात. धार्मिक स्थळ म्हणून साईबाबा मंदिर येथे दर गुरुवारी आरती करून महाप्रसाद तालुक्यातील भाविक भक्तांना व गोरगरीब बांधवांना जास्तीत जास्त भाविकांना देण्यात येत असतो.

दर गुरुवारी दुपारी १२ वाजता महाआरती व महाप्रसाद श्री साई बाबा मंदिर येवती जामठी बोदवड रोडवर पंचक्रोशित ग्रामस्थ यांच्या सहकार्याने साईबाबांची आरती व महाप्रसादाचे आयोजन केले जाते. काल अनिल गणपत साबळे (रा.येवती) यांनी साईबाबा चरणी सेवा अर्पण केली. तसेच श्री साईबाबा सस्थांन व साईबाबा ऊत्सव समितीच्या वतीने अनिल साबळे यांचा साईबाबा प्रतिमा भेट देऊन सत्कार करण्यात आला.