हिंदू महिलांचे अश्लील फोटो शेअर करणाऱ्या Telegram Channel वर सरकारने केली कारवाई; केंद्रीय मंत्री म्हणाले
मुंबई (प्रतिनिधी) सरकारने एका टेलीग्राम चॅनेलवर कारवाई करत ते ब्लॉक केलं आहे. या चॅनेलवरुन हिंदू महिलांचे अश्लील फोटो शेअर केले जात असल्याची माहिती समोर आली आहे. यासंदर्भातील माहिती केंद्रीय मंत्री अश्विनी वैष्णव यांनी दिली आहे. बुल्ली बाई अ‍ॅप प्रकरण समोर आलेलं असतानाच ही कारवाई करण्यात आलीय. इंटरनेटवर वेगवेगळ्या क्षेत्रातील प्रसिद्ध मुस्लीम महिलांचे छायाचित्रे वापरुन आक्षेपार्ह मजकूर प्रसिद्ध केल्याप्रकरणी Bully Bai अ‍ॅप्लिकेशन निर्माता व ट्विटर हॅण्डल चालवणाऱ्या विरोधात पश्चिम प्रादेशिक सायबर पोलिसांनी रविवारी गुन्हा दाखल केल्यानंतर तीन जणांना या प्रकरणामध्ये मुंबई सायबर पोलिसांनी अटक केलीय.
बुल्ली बाई अ‍ॅप प्रकरणानंतर ट्विटरवरुन या टेलिग्राम चॅनेलसंदर्भातही अनेकांनी तक्रार केली होती. याच तक्रारीची दखल इलेक्ट्रॉनिक्स आणि माहिती तंत्रज्ञान मंत्रालयाने घेतली असून त्यानंतरच हे चॅनेल ब्लॉक करण्याची कारवाई करण्यात आलीय. हे चॅनेल ब्लॉक करण्यात आलं असून सध्या राज्यातील पोलिसांसोबत या प्रकरणासंदर्भातील चर्चा सुरु असल्याची माहिती केंद्रीय मंत्र्यांनी दिलीय. टेलिग्राम चॅनलसंदर्भातील तक्रारींवर ट्विट करुन केंद्रीय मंत्र्यांनी या प्रकरणात लक्ष घालवं अशी मागणी करणाऱ्या ट्विटलाच अश्विनी यांनी रिप्लाय करुन दिली माहिती दिलीय.
हे संबंधित चॅनेल जून महिन्यात तयार करण्यात आलं असून त्यावरुन हिंदू महिलांचे अश्लील फोटो शेअर केले जात असल्याचा दावा ट्विटर थ्रेडमध्ये करण्यात आलेला. 21 वर्षीय मयंक रावल, 19 वर्षीय श्वेता सिंह आणि 19 वर्षीय कुमार झा यांना अत्तापर्यंत या प्रकरणात अटक करण्यात आलीय. सहा महिन्यांपासून सुल्ली डिल्स नावाने चालवणाऱ्या जाणाऱ्या गटाकडून ट्वीटवर बुली बाई नावाने गिटहब अ‍ॅपवर मुस्लीम महिलांचे छायाचित्रे अपलोड करण्यात येत असून त्यांना लक्ष्य केले जात आहे. त्याबरोबर आक्षेपार्ह मजकूर टाकण्यात आला आहे. त्या छायाचित्रांचा लिलाव केला जात असल्याची माहिती समोर आली होती.
