नियमाची पायमल्ली करून चालवत असलेल्या आधार केंद्र व सेतू केंद्रावर कडक कार्यवाही

धारणी (प्रतिनिधी) वैभव वाघमारे भा.प्र.से. सहाय्यक जिल्हाधिकारी तथा प्रकल्प अधिकारी, एकात्मिक आदिवासी विकास प्रकल्प, धारणी जि.अमरावती यांचा अभिनव उपक्रम नियमाची पायमल्ली करून चालवत असलेल्या आधार केंद्र व सेतू केंद्रावर कडक कार्यवाही केली आहे.

धारणी तालुक्यातील ग्रामीण भागातील आदिवासी बांधवांकडून नवीन आधार कार्ड काढणे, दुरुस्ती करणे, e-KYC करणे तसेच जातीचा दाखला, उत्पन्न दाखला, नॉन-क्रिमिलिअर इत्यादी शासकीय सुविधेकरिता नियमबाह्यरित्या जास्तीचे दर आकारून पिळवणूक करत असल्याची तक्रार परिसरातील आदिवासी बांधवांनी प्रकल्प अधिकारी तथा सहाय्यक जिल्हाधिकारी यांच्याकडे दाखल केलेली होती. त्यासाठी सदर तक्रारीची गंभीर दखल घेऊनप्रकल्प अधिकारी यांनी अचानक शहरातील विविध आधार केंद्रावर व सेतु केंद्रावर आकस्मिक भेट देवून तपासणी केली. यामध्ये त्यांच्या केंद्रावर शासनाने ठरवून दिलेले दर पत्रक न लावणे, दरापेक्षा जास्त रक्कम आकारणे, जेथे केंद्र मंजूर केले आहे. त्याठिकाणी चालवत नसल्याचे निदर्शनास आले आहे. अशा गंभीर बाबी आढळल्याने सदर आधार केंद्र व सेतू केंद्राला सील करण्यात आले आहे.