मोहोळ (श्रीराम सोलंकर) संपूर्ण राज्यभर शेतकऱ्यांना कर्जमाफी हमीभाव आदी बाबत दिनांक 15 जून 2017 रोजी पुकारलेल्या संपामध्ये मोहोळ तालुक्यातील वरकुटे या गावी मोठे आंदोलन झाले होते. या आंदोलनामध्ये काही समाजकंटकांनी एसटी बसचे दगडफेक करून सार्वजनिक मालमत्तेचे नुकसान केले होते व सरकारी कामात अडथळा आणला होता.
त्याबाबत मोहोळ पोलीस स्टेशन मध्ये भा.द.वि. कलम 353, 427,148, 149 ,504, 506 व सार्वजनिक मालमत्ता विद्रुपीकरण प्रतिबंध कायदा कलम 4 व 5 प्रमाणे गुन्हा नोंद झाला होता. सदर गुन्ह्याची सुनावणी सोलापूर येथील जिल्हा सत्र न्यायाधीश एस. आर. शिंदे यांच्या समोर झाला. यामध्ये राष्ट्रवादी काँग्रेसचे सरचिटणीस प्रशांत बचुटे, गावचे तंटामुक्तीचे अध्यक्ष सुनील शिंदे, समाधान बचुटे, अमोल बचुटे, मोहन बसाटे, सोमनाथ बचुटे यांची निर्दोष मुक्तता करण्यात आली. याप्रकरणी आरोपीतर्फे अँड. सर्जेराव पडळकर यांनी काम पाहिले.
