शित्तूर – वारुण : येथील शित्तूर-वारुणपैकी कदमवाडी येथे तेराखणी तिजयच्या घराला शाॕर्टसर्कीटमुळे आग लागुन घरगुती साहीत्य, मोटर सायकल, भांडी,कपडे, शेळ्या – मेंढया चा कळप आणि जीवनावश्यक वस्तू जळुन खाक झाले आहे.
घराचे अंदाजे तीस लाखाचे नुकसान झाले आहे. त्या कुटुंबाना मदतीचा हात म्हणुन शिराळा तालुक्यातील डफळेवाडी येथील ओम शिव गगनगीरी आश्रमाचे मठाधिपती महंत शंकरानंदगीरी डफळे महाराज यांनी पीडित सात कुटुंबाना गहु, तांदुळ, चटणी, मिठ, तेल, रवा, मैदा, डाळी तसेच ब्लॕकेट, साडया अशा संसारउपयोगी साहीत्याच्या किटचे वाटप केले. दैनंदिन गरजेच्या वस्तू वाटप करून मदत करणारी ही पहिलीच संस्था असून, सामाजिक, राजकीय, आणि विविध क्षेत्रातील व्यक्ती आणि संस्थांनी पुढे येऊन पीडित कुटुंबान्ना सावरण्यासाठी यथाशक्ती मदत करणे गरजेचे आहे, तरच नुकसानग्रस्त कुटुंबाना सावरण्यास मदत होईल. यावेळी किनरेवाडी माजी सरपंच सदाशिव नावडे, वाकाईवाडी उपसरपंच सुभाष डफळे, किनरेवाडी पोलिस पाटील आकाराम किनरे, प्राध्यापक सदाशिव पाटील, दिलीप पाटील, राऊतवाडी मुख्याध्यापक सुरेश महींदकर, तानाजी डफळे, सुरेश भाईगडे, कृष्णा पोतदार आदी मान्यवर उपस्थित होते.
