धुळे तालुक्यातील कुंडाणे नजीक वेल्हाणे विविध कार्यकारी सेवा सहकारी संस्थेच्या चेअरमनपदी कैलास जाधव यांची, तर व्हाइस चेअरमनपदी ज्ञानेश्वर पाटील यांची बिनविरोध निवड करण्यात आली.
सोसायटीच्या नुकत्याच झालेल्या निवडणुकीत जवाहर शेतकरी विकास पॅनलने १३ जागा पैकी ८ जागा बिनविरोध जिंकल्या होत्या. मंगळवार दिनांक ०८/०२/२०२२ संस्थेच्या चेअरमन व व्हाइस चेअरमनची निवड करण्यासाठी सहकार निवडणूक निर्णय अधिकारी अशोक येलमामे यांच्या अध्यक्षतेखाली विशेष सभेचे आयोजन केले होते. त्या वेळी कैलास जाधव यांचा चेअरमनपदासाठी, तर ज्ञानेश्वर पाटील यांचा व्हाइस चेअरमनपदासाठी प्रत्येकी एक एकच अर्ज प्राप्त झाल्याने त्यांची बिनविरोध निवड झाल्याचे जाहीर करण्यात आले. सभेला संचालक हनुमान पवार, भरत पाटील, रामसिंग पवार, अशोक पाटील रमेश पाटील मकरंद चव्हाण ज्ञानेश्वर पाटील व कैलास जाधवसह जवाह शेतकरी विकास पॅनलचे संचालक उपस्थित होते. निवड झालेल्या नवनिर्वाचित पदाधिकाऱ्यांचा गावाच्या सरपंच मनीषा पाटील यांनी चेअरमन व्हाईस चेअरमन पदाच्या पदग्रहण सोहळ्यानिमित्त चेअरमन कैलास जाधव, व्हाईस चेअरमन ज्ञानेश्वर पाटील तसेच संचालक हनुमान पवार भरत पाटील, रामसिंग पवार, अशोक पाटील, रमेश पाटील, मकरंद चव्हाण यांचे अभिनंदन करून त्यांच्या हस्ते सत्कार करण्यात आला.
यावेळी कैलास जाधव यांनी आपले मनोगत व्यक्त करत असताना सांगितले की विरोधक असलेल्या भारतीय जनता पार्टी चे विद्यमान तालुका अध्यक्ष यांच्या ताब्यात तब्बल पंचवीस ते तीस वर्षापासून एक हाती सत्ता गाजवत असलेल्या सहकारी संस्थेच्या सत्तापरिवर्तन करून चाव्या आपल्या हाती घेत विरोधकांना धूळ चारली आहे. येणाऱ्या काळात शेतकऱ्यांसाठी संस्थेच्या मार्फत कायद्याच्या चौकटीत राहून नियमानुसार जे काही करता येईल ते करण्याचं आश्वासन त्यांनी दिल व माझ्यावर विश्वास दाखवत आपण जी जबाबदारी सोपवली आहे ती अत्यंत इमानदारीने पार पाडून तुम्ही टाकलेल्या विश्वासाला तडा जाऊ देणार नाही अशी ग्वाही दिली.
या वेळी संस्थेसाठी ज्यांनी ज्यांनी योगदान दिलं त्यांच्या आठवणींना उजाळा देत त्यांच्या स्मृतीस अभिवादन करण्यात आले. त्यात संस्थेचे माजी चेअरमन कै.कसळू गमन पवार उर्फ बापुजी, माजी सरपंच कै.सजन महादु पाटील उर्फ दादासाहेब कै.नाना भुता पाटील, माजी सरपंच कै.हेमी बाई चंदू पवार यांना आदरांजली वाहण्यात आली. त्यावेळी तांडा कुंडाणेचे माजी सरपंच कैलास पवार विद्यमान सरपंच सदाशिव पवार, खिमराज पवार, अरुण पाटील, पंढरीनाथ पाटील, पिंटू पाटील, महादू देवरे, मधुकर पाटील, देविदास वाणी, करण ठाकरे, दिलीप मोरे, आबा ठाकरे, मुरलीधर पाटील, आबुसिंग पाटील, आप्पा पाटील, रवींद्र पाटील, मनोज पवार, किशोर पवार, प्रकाश पवार, ज्ञानेश्वर पाटील, प्रवीण देवरे, जोरसिंग पवार, बसराज जाधव, बळवंत मोरे, पोलीस पाटिल, सचिन पाटिल, बारकू पाटिल, शशिकांत पाटील, निंबा चव्हाण, ताराचंद पाटिल, समाधान पाटिल बापूराव अंतुर्लीकर आदींसह कार्यकर्ते मोठ्या संख्येने उपस्थित होते.
कार्यक्रमाच्या अध्यक्षस्थानी गावाच्या सरपंच मनीषा पाटील या होत्या. प्रस्ताविक विद्यमान चेअरमन कैलास जाधव यांनी केले तर सूत्रसंचालन संतोष पवार यांनी केले. कुंडाणे नजीक वेल्हाणे विविध कार्यकारी सेवा सहकारी संस्थेच्या चेअरमनपदी कैलास जाधव यांची, तर व्हाइस चेअरमनपदी ज्ञानेश्वर पाटील यांची बिनविरोध निवड झाल्याबद्दल त्यांचे सर्वस्तरातून स्वागत होत आहे.
