जळगाव (प्रतिनिधी) पोलीस महानिरीक्षक नाशिक परिक्षेत्र यांच्या विशेष पथकाने गावठी कट्टा, काडतुस बाळगणाऱ्या आरोपीस मुद्देमालासह अटक केली आहे. गुरजित सिंह अकबरसिंह बर्नाला (वय ३६,रा.उमर्टी ता.वरला जि.बडवानी, मध्य प्रदेश) असे अटक करण्यात आलेल्या आरोपीचे नाव आहे.
पुढील तापासकामी त्याला चोपडा ग्रामीण पोलिस स्टेशनच्या ताब्यात देण्यात आले आहे. पो.नि.बापू रोहम, सहायक फौजदार, बशिर तडवी, हे.कॉ. रामचंद्र बोरसे, पोलिस नाईक मनोज दुसाने आदींनी ही कारवाई केली आहे. चोपडा ग्रामीण पोलीस स्टेशनला गुन्हा दाखल करण्यात आला आहे. आरोपीच्या ताब्यातून गावठी कट्टा, एक मँगजीन असा एकुण ३२ हजाराचा मुद्देमाल हस्तगत करण्यात आला आहे.
