डी.वाय.एस.पी. कार्यालय जामनेर रोड भुसावळ येथे राष्ट्रवादी युवक काँग्रेसच्या वतीने रास्ता रोको आंदोलन
भुसावळ (ओमशंकर रायकवार) राष्ट्रवादी कांग्रेस चे अध्यक्ष शरदचंद्र पवार यांच्या घरावर हल्ला करणाऱ्या भ्याड गुंडशाहीचा निषेध म्हणून व यास चिथावणी देणाऱ्या गुणरत्न सदावर्ते याच्यावर गुन्हा दाखल करण्यासंदर्भात डी.वाय.एस.पी. कार्यालय जामनेर रोड भुसावळ येथे राष्ट्रवादी युवक काँग्रेसच्या वतीने रास्ता रोको करण्यात आला.
याप्रसंगी भुसावळ विभागाचे उपविभागीय अधिकारी सोमनाथ वाघचौरे यांच्याशी चर्चा करून परिस्थिती नुसार कार्यवाही करण्याचे आश्वासन दिले. राष्ट्रवादी युवक काँग्रेसचे जिल्हाध्यक्ष तथा जिल्हा परिषद सदस्य रविंद्र नाना पाटील, जिल्हा उपाध्यक्ष वाय.आर. पाटील, जिल्हा सरचिटणीस अतुल चव्हाण, सामाजिक न्याय विभाग जिल्हा उपाध्यक्ष सरजू तायडे, पदवीधर जिल्हा सरचिटणीस गोपाळ पाटील, युवक भुसावळ शहराध्यक्ष रणजित चावरिया, उपाध्यक्ष राहुल वाघ, संघटक सचिन पाटील, कार्याध्यक्ष विशाल ठोके, तुषार चौधरी, तुषार हडप, प्रदीप कोळी, नितीन वराडे, धर्मराज तायडे, रुपेश बाविस्कर, निलेश जाधव आदी पदाधिकारी कार्यकर्ते उपस्थित होते.
