धुळे (करण ठाकरे) भरधाव वेगाने येणारी कार आणि दुचाकी यांच्यात निमगुळ गावाजवळ अपघात झाला. यात गंभीर जखमी झाल्याने दुचाकी चालकावर रुग्णालयात उपचार सुरु होते. उपचार सुरु असताना त्याचा मृत्यू झाला. ही घटना ५ जानेवारी रोजी घडली होती.
शिंदखेडा तालुक्यातील निमगुळ ते दोंडाईचा रोडवर निमगुळ गावाच्या बाहेर भरधाव वेगाने येणाऱ्या कारने दुचाकीस्वार राहूल भिला अहिरे (२५, रा. बोसरलेगाव जि. नंदुरबार) याला जोरदार धडक बसली. ही घटना ५ जानेवारी रोजी दुपारी २ वाजता घडली. अपघातानंतर राहूल हा गंभीर जखमी झाल्याने त्याच्या डोक्याला आणि शरीराच्या अन्य अवयावाला दुखापत झाल्याने त्याला रुग्णालयात दाखल करण्यात आले होते. उपचार सुरु असताना त्याचा मृत्यू झाला.
भिला सुपडू अहिरे यांनी दोंडाईचा पोलीस ठाण्यात २० फेब्रुवारी रोजी फिर्याद दाखल केली. त्यानुसार, कारचालकाविरुद्ध गुन्ह्याची नोंद करण्यात आली.
