धुळे : येथील दादासाहेब हरचंद बडगुजर सार्वजनिक शासकीय वाचनालयात आज दि .20/11/21 रोजी दिवाळी अंक प्रदर्शन कार्यक्रम संपन्न झाला. कार्यक्रमाच्या अध्यक्षस्थानी राष्ट्रवादी ग्रंथालय सेलचे जिल्हाध्यक्ष चुनीलाल पाटील होते . तर प्रमुख पाहुणे म्हणून पं.सं .सदस्य राजेंद्र भटूलाल शर्मा,मा.पं.स.सदस्य शभगवान श्रीधर चौधरी ,मा.सरपंच दीपक साळुंखे , हर्षल साळुंखे, सुदाम पाटील, गणेश सुरेश सैंदाणे सर, जितेंद्र नगराज पाटील सर, डॉ. विकास साळुंखे, विवेकानंद भोईसर, एकनाथ भटू मोरे सर, दीपक सौदागर,अमोल शर्मा तसेच वाचक वर्ग मोठ्या संख्येने उपस्थित होता .यावेळी ग्रंथालयाचे अध्यक्ष प्राचार्य ईश्वर बडगुजर यांनी प्रास्ताविक भाषण केले. यावेळी चुनीलाल पाटील प्रा.हेमंत बाविस्कर, गणेश सैंदाणे, आदींनी आपले विचार व्यक्त केले. यावेळी महाराष्ट्रातील अत्यंत नामांकित 40 दिवाळी अंकांचे प्रदर्शन भरवण्यात आले . आबालवृद्ध वाचकांनी त्याचा लाभ घेतला. तब्बल पाच दिवस हे दिवाळी अंक प्रदर्शन वाचकांसाठी खुले राहणार आहे वाचनालयाच्या आदर्श व अभिनव उपक्रमाचे सर्वांनी कौतुक केले. यावेळी वाचनालयातील स्पर्धा परीक्षांचा अभ्यास करणाऱ्या विद्यार्थ्यांसाठी 5000 रुपयाचे नवी स्पर्धा परीक्षेची पुस्तके वाचकांना उपलब्ध करण्यात आली. वाचकांनी समाधान व्यक्त केले आहे.
