मुंबई : एकनाथ शिंदे यांची आज महाराष्ट्राच्या मुख्यमंत्रीपदी निवड करण्यात आली. असून एकनाथ शिंदे हे मुख्यमंत्रीपदाची शपथ आजच घेणार असल्याचंही जाहीर केलं. याच पार्श्वभूमीवर राष्ट्रवादी काँग्रेसचे सर्वेसर्वा शरद पवार यांनी देखील शिंदे यांचे अभिनंदन केलं आहे.
शरद पवारांनी शिंदे यांचे अभिनंदन करणारे एक ट्विट केले आहे. या ट्विटमध्ये पवारांनी म्हटलं आहे, ‘राज्याचे नवे मुख्यमंत्री म्हणून निवड झाल्याबद्दल मनपूर्वक अभिनंदन! महाराष्ट्राच्या हिताची जपणूक त्यांच्याकडून होईल अशी सार्थ अपेक्षा व्यक्त करतो. स्व. यशवंतराव चव्हाण, श्री. बाबासाहेब भोसले, श्री. पृथ्वीराज चव्हाण यांच्यानंतर अजून एका सातारकरांची मुख्यमंत्रीपदी वर्णी लागली याचा आनंद आहे. असं ट्विट शरद पवारांनी केलं आहे.
