शिळोना : पोफाळी पोलीस स्टेशन अंतर्गत येणाऱ्या शिळोना घाटाजवळ दुचाकी आणि आयशर अपघातामध्ये दोन तरुण ठार झाल्याची घटना दिनांक २ जुलै २०२२ रोजी दुपारी बाराच्या दरम्यान घडली.
सविस्तर वृत्त असे की सुमेध सुरेश राठोड वय २० वर्ष रा. वानोळा पाचोळा ता. माहुर आणि निलेश शाम आडे वय २१ वर्ष रा. मेट ता. उमरखेड हे दोघे उमरखेड वरुन शिळोनाकडे दुचाकी क्रमांक एम. एच. २९ बि.आर. ४७०९ वरुन जात असताना शिळोना घाटाजवळ पुसद कडुन भरधाव वेगाने येनाऱ्या ( चाकोते कंपनीचे) क्रमांक एम. एच.२४ ए. बि. ८९९१ मालवाहू आयशरला धडक लागून भिषण अपघात झाला.
या अपघातात सुमेध हा जागीच ठार झाला, तर निलेश उपचारादरम्यान त्याचा मृत्यू झाला. दोघेही तरुण आपल्या भाचीच्या वाढदिवसाला जाताना ही अप्रिय घटना घडली. अपघाताची माहिती मिळताच पोफाळी पोलीस स्टेशनचे ठाणेदार राजीव हाके, बिट जमादार किसन राठोड, रावसाहेब शेंडे, शिवाजी भरोशे, सुनील ठाकरे, यांनी धाव घेतली. पुढील तपास ठाणेदार राजीव हाके करीत आहेत.
