केन्द्रीय विद्यालय येथे संविधान दिनी संविधानाची वैशिष्ट्ये या विषयावर व्याख्यान.
भुसावळ:अखिलेशकुमार धिमान
दिनांक: ३० नोव्हेंबर २०२२
दिनांक २८ नोव्हेंबर रोजी केंद्रीय विद्यालय आयुध निर्माणी भुसावळ येथे संविधान दिन साजरा करण्यात आला. याप्रसंगी प्रमुख पाहुणे म्हणून एस. व्ही. न्यायाधीश दिवाणी न्यायाधीश, कनिष्ठ विभाग आणि जे.एम.एफ.सी. भुसावळ ह्या होत्या. भुसावळ बार असोसिएशनचे अध्यक्ष तुषार पाटील यांची विशेष उपस्थिती होती. कार्यक्रमाच्या अध्यक्षस्थानी शाळेचे प्रभारी मुख्याध्यापक नितीनकुमार उपाध्याय होते.
भारतीय संविधान – आपले हक्क आणि कर्तव्य
यावेळी शाळेतील विद्यार्थ्यांनी भारतीय संविधान – आपले हक्क आणि कर्तव्य या विषयावर आपले विचार मांडले.कार्यक्रमात सर्वप्रथम भारतीय संविधान मसुदा समितीचे अध्यक्ष बाबासाहेब भीमराव आंबेडकर यांच्या प्रतिमेस पुष्पहार अर्पण करून स्मरण करण्यात आले. त्यानंतर अधिवक्ता आय आय खान यांनी सर्व पाहुण्यांचा परिचय करून दिला. त्यानंतर शाळेच्या मुख्याध्यापकांनी पाहुण्यांचे स्वागत करताना आजच्या शैक्षणिक वातावरणात केंद्रीय विद्यालयाची भूमिका आणि भारतीय राज्यघटनेने दिलेला शिक्षणाचा अधिकार यावर आपले विचार मांडले.
भुसावळ बार असोसिएशनचे अध्यक्ष तुषार पाटील यांनी भारतीय राज्यघटनेतील नागरिकांचे मुलभूत अधिकार व मूलभूत कर्तव्ये व मार्गदर्शक तत्वे यावर आपले मनोगत व्यक्त करून मुलांना भारताच्या भवितव्यासाठी सज्ज राहण्याची प्रेरणा दिली, तसेच वकिलांची भुमिका सांगितली.
कार्यक्रमात अधिवक्ता आय.आय.खान यांनी संविधान बनवण्याची प्रक्रिया, त्यात लागणारा वेळ, सभासद संख्या, संविधानाची वैशिष्ट्ये या विषयावर व्याख्यान दिले आणि प्रश्नोत्तराचा कार्यक्रम आयोजित करून उत्तरे देणाऱ्या मुलांना बक्षीस देण्यात आले.
त्यांच्या अतिथी व्याख्यानात बोलताना एस. व्ही. न्यायमूर्ती म्हणाल्या की, आपल्याला अधिकारांची तळमळ असते त्यापेक्षा आपण कर्तव्याची आणि मानवी वृत्तीची जाणीव ठेवली पाहिजे. लक्षात ठेवा की तोच देश अधिक बलवान आहे जिथे तेथील नागरिक त्यांच्या अधिकारांसोबत त्यांच्या कर्तव्यांबद्दल अधिक जागरूक असतात. अधिकार आणि कर्तव्ये हा कोणत्याही देशाच्या घटनात्मक व्यवस्थेचा कणा असतो आणि तो देश तितकाच मजबूत असतो जितका लोकांना त्यांच्या कर्तव्यांची जाणीव असते. या दिवशी, आपण त्या सर्व लोकांचे मनापासून कृतज्ञता व्यक्त केली पाहिजे, ज्यांच्या अथक प्रयत्नांमुळे आपल्याला जगातील सर्वोत्तम संविधान मिळू शकले. यावेळी मनोगत व्यक्त करणाऱ्या सर्व मुलांचा गौरव करण्यात आला. शाळेतील इयत्ता सहावी, सातवी, आठवी, नववी आणि अकरावीच्या विद्यार्थ्यांनी या कार्यक्रमात सहभाग घेतला. कार्यक्रमास प्राथमिक वर्गाचे मुख्याध्यापक सुरेश नरहिरे, अधिवक्ता पांडव जी, मिलन कुमार, प्र. स्ना. शि., कार्यानुभव शिक्षक गिरीश महाजन उपस्थित होते. कार्यक्रमाचे संचालन हिंदी विषयाचे प्राध्यापक अखिलेश कुमार पांडे यांनी केले, शेवटी आभार प्रदर्शन शाळेचे इंग्रजी भाषेचे प्राध्यापक संदेश निनावे यांनी केले.
रोजची ताजा घडामोडीसाठी “डिजिटल युगाचे निर्भिड माध्यम” स्पीडन्यूज महाराष्ट्र आता पहा यूट्यूब च्या खालील👇लिंक वर चैनल ला सब्सक्राइब करायला विसरु नका.
