भिडे गुरुजींच्या मार्गदर्शन मेळाव्यात कोरोना नियमांचे उल्लंघन ; चोपडा शहर पोलीस ठाण्यात गुन्हा
चोपडा (विश्वास वाडे) शहरातील जिग्नेश शरद कंखरे, विजय भास्कर वैदकर, गणेश पंढरीनाथ बाविस्कर, विठ्ठल शालीक महाजन, समाधान माळी, महेंद्र भामरे, शुभम महाजन, गोविंदा माळी, नंदू गवळी, हर्षल माळी व इतर ३०० ते ४०० कार्यक्रमास उपस्थितांनी परिश्रम मंगल कार्यालयात श्री शिवप्रतिष्ठान हिंदुस्थानचे संस्थापक भिडे गुरुजी यांच्या मार्गदर्शन मेळाव्याचे आयोजन केले होते.
सदर कार्यक्रमात तीनशे ते चारशे व्यक्ती एकत्र आले होते व त्यात विना मास्क व सोशल डिस्टंसिंगचा वापर न करता कोरोना नियमांचे पालन न करता तसेच कोरोना विषाणूचा प्रादुर्भाव रोखण्यासाठी काहीएक उपाययोजना न करता बंदिस्त जागेत क्षमतेपेक्षा अधिक जनसमुदाय जमा करून मार्गदर्शन मेळाव्याचे आयोजन केले होते. तसेच जिल्हाधिकारी यांनी दिलेल्या आदेशाची अवमानना केली म्हणून पो.कॉ.मिलिंद सपकाळे यांच्या फिर्यादीवरून जिग्नेश शरद कंखरे, विजय भास्कर वैदकर, गणेश पंढरीनाथ बाविस्कर, विठ्ठल शालिक महाजन ,समाधान माळी ,महेंद्र भामरे, शुभम महाजन, गोविंदा माळी, नंदू गवळी, हर्षल माळी व इतर ३०० ते ४०० व्यक्तीविरूद्ध सीसीटीएनएस भाग ५ गु र नं ०४/ २०२२ भादवि कलम १८८, २६९ ,२७० सह आपत्ती व्यवस्थापन कायदा २००५ चे कलम ५१ व मुंबई पोलीस अधिनियम १९५१ चे कलम ३७ (१) (३) १३५ प्रमाणे चोपडा शहर पोलिसात गुन्हा दाखल करण्यात आला आहे. पुढील तपास पोलीस निरीक्षक अवतारसिंग चव्हाण यांच्या मार्गदर्शनाखाली पोलीस उपनिरीक्षक विनोद पाटील हे करीत आहेत.
