रावेर तालुक्यातील खिर्डी येथे राज्य उत्पादन शुल्क विभागाचा छापा !

रावेर (अखिलेश धिमान) भुसावळ येथील राज्य उत्पादन शुल्क विभागीचे निरीक्षक सुजित कपाटे यांच्या पथकास मिळालेल्या गुप्त बातमीनुसार, रावेर तालुक्यातील खिर्डी येथे देशी दारूची अवैध विक्री होत असल्याची माहिती मिळाल्याने तेथे छापा टाकून देशी दारूची अवैध विक्री करणाऱ्या दोघांना अटक करण्यात आली. यावेळी देशी दारुचे एकूण ४० बॉक्स असा एकूण १ लाख १७ हजार २२० रुपयांचा मुद्देमाल हस्तगत करण्यात आला आहे.

याबाबत वृत्त असे की, राज्य उत्पादन शुल्क विभागाचे आयुक्त कांतीलाल उमाप संचालक अं.व दक्षता उषा वर्मा, तसेच विभागीय उप आयुक्त, राज्य उत्पादन शुल्क नाशिक विभाग, अर्जुन ओहोळ व अधीक्षक, राज्य उत्पादन शुल्क, जळगाव सिमा झावरे यांचे मार्गदर्शनाखाली विभागीय निरीक्षक सुजित ओं कपाटे, राज्य उत्पादन शुल्क, भुसावळ, यांच्या पथकास मिळालेल्या खात्रीशीर गुप्त बातमी नुसार दि. ०८ मार्च २०२२ रोजी रावेर तालुक्यातील खिर्डी या ठिकाणी छापा टाकुन देशी दारुची अवैधरित्या विक्री करतांना एकुण ०२ आरोपी विरुद्ध गुन्हे नोंद करण्यात आलेले असून त्यात देशी दारुचे एकूण ४० बॉक्स असा एकूण रु. १,१७,२२०/- किंमतीचा दारुबंदी गुन्ह्यातील मुद्येमाल आरोपीत इसम नामे १) कुलदिप भागवत जैस्वाल आणि २) जितेंद्र रमेश जैस्वाल यांचे ताबे कब्जातून जप्त केला. व त्यांचे विरुध्द महाराष्ट्र दारुबंदी अधिनियमाअंतर्गत कारवाई करण्यात आली आहे. सदर अवैध मद्यसाठा मिळून आल्याने मोठ्या प्रमाणात मद्य तस्करांची टोळी कार्यरत असण्याची शक्यता आहे याबाबत तपास सुरू आहे.

सदर कारवाई विभागीय निरीक्षक सुजित ओं. कपाटे, राज्य उत्पादन शुल्क, भुसावळ, राजेश निं. सोनार, दुय्यम निरीक्षक, राज्य उत्पादन शुल्क, भुसावळ, सत्यविजय ठेंगडे, दुय्यम निरीक्षक, राज्य उत्पादन शुल्क, यावल तसेच विभागिय निरीक्षक पथकाचे जवान नि वाहनचालक सागर क. देशमुख, सहा. दुय्यम निरीक्षक, मधुकर वाघ जवान नितीन पाटील, विठ्ठल हाटकर यांनी यशस्वी रित्या पार पाडली. सदरील गुन्हयाचा पुढील तपास विभागीय उप-आयुक्त, राज्य उत्पादन शुल्क, नाशिक विभाग, अर्जुन ओहोळ आणि अधीक्षक, राज्य उत्पादन शुल्क, जळगाव सिमा झावरे यांचे मार्गदर्शनाखाली राज्य उत्पादन शुल्क, विभागीय निरीक्षक सुजित ओ. कपाटे करीत आहे.