नांद्रा येथील स्मशानभूमीत सौर दिव्यांची सोय

पाचोरा : प्रतिनिधी
पाचोरा तालुक्यातील नांद्रा येथील स्मशानभूमीत बऱ्याच वर्षांपासून लाईट नसल्यामुळे सर्वत्र अंधार होता. लाईट नसल्यामूळे गावात काही दुर्दैवी दुर्घटना झाली. तर राञी – अपराञी अंत्यविधी करण्याचा योग आल्यावर गावातील सेवाभावी लोक आपआपले दुचाकी वाहन, ट्रॅक्टर व इतर वाहने येथे आणून लाईट देत होते. अशा वेळी फक्त चितेच्या जवळच प्रकाश दिसत होता. परंतु इतर ठिकाणी संपूर्ण अंधार रहात असल्याने या गोष्टीची दखल घेत आमदार किशोर पाटील यांच्या मार्गदर्शनातून व जि. प. सदस्य पदमसिंग पाटील यांच्या परिश्रमातून विशेष निधीतून स्मशानभूमित सौरऊर्जाचा लॕम्प लावण्यात आला असून यामुळे स्मशान भूमित लखलखाट झाला आहे. याबाबत गावातील ग्रामस्थांकडून समाधान व्यक्त होत आहे. याप्रसंगी जि. प. सदस्य पदमसिंग (बापु) पाटील, ग्रा. प. कमिटीचे उपसरपंच शिवाजी तावडे, विनोद तावडे, ग्रा. प. सदस्य किशोर खैरनार, बंटी सूर्यवंशी, सामाजिक कार्यकर्ते विनोद बाविस्कर, पञकार प्रा. यशवंत पवार, पकंज बाविस्कर,आॅपरेटर राहूल सूर्यवंशी उपस्थित होते.