शालेय वर्धापन दिनाच्या दिवशी प्रताप विद्या मंदिराच्या खेळाडूंकडून शाळेला अनोखी भेट
चोपडा (विश्वास वाडे) नेहरू युवा केंद्र या केंद्रशासनाच्या संस्थेअंतर्गत जळगाव जिल्ह्यातील विविध तालुक्यांमध्ये युवा खेळाडूंना मधील सुप्त गुणांना वाव देण्यासाठी विविध ठिकाणी क्रीडा स्पर्धांचे आयोजन करण्यात आले होते. यानंतर प्रत्येक तालुक्यातील संघ जिल्हास्तरावर ती सहभागी झाला असता स्पर्धेमध्ये हॉलीबॉल या खेळात जळगाव जिल्ह्यातून तब्बल ८ संघांनी सहभाग नोंदविला. यात प्रताप विद्या मंदिराच्या मुलींच्या संघाने प्रथम क्रमांक मिळवित जिल्हास्तरीय चषकावर विद्यालयाचे नाव कोरीत असलेल्या शालेय वर्धापन दिनानिमित्त शाळेला अनोखी अशी भेट दिली.
तसेच हॉलीबॉल खेळात या प्रताप विद्या मंदिराच्या संघाने पटकावून भरीव कामगिरी केली. विजयी झालेल्या विद्यामंदिरातील या सर्व खेळाडूंचे संस्थेच्या सचिव तसेच समस्त पदाधिकारी विद्यालयाचे मुख्याध्यापक आर.आर.शिंदे, पर्यवेक्षक, शिक्षक बंधू-भगिनी तसेच शिक्षकेतर कर्मचाऱ्यांनी कौतुक केले. सदर खेळाडूंना प्रताप विद्या मंदिराच्या क्रीडा विभागाचे प्रमुख एस.एस.पाटील, विद्यालयाचे क्रीडा प्रशिक्षक नरेंद्र एन.महाजन तालुक्यातील क्रीडाप्रेमी समाधान माळी सर यांचे अनमोल मार्गदर्शन लाभले.
