पाचोरा (प्रतिनिधी) पाचोरा व भडगाव येथील ग्रामसमृद्धी पाणद रस्ते व विविध योजनासंदर्भात आज पाचोरा-भडगाव विधानसभा चे शिवसेनेचे आमदार किशोर पाटील यांच्या उपस्थितीत आढावा बैठक संपन्न झाली.
पाचोरा येथे राजीव गांधी टाऊन हॉलला सकाळी ११ वाजता तर भडगाव येथे दुपारी ३ वाजता पंचायत समितीच्या सभागृहात संपन्न झाली. राज्य शासनाचे शेतरस्त्या साठी मातोश्री ग्राम समृद्धी पाणद रस्ते योजना आणली आहे. या योजनेच्या माध्यमातून दोन्ही तालुक्यातील रस्त्याचा आढावा बैठक बोलावली होती. या शिवाय या बैठकीत घरकुल विविध योजनांचा ही आढावा घेण्यात आला. या बैठकीत तालुक्यातील सरपंच,उपसरपंच व ग्रामपंचायत पदाधिकारी यांची उपस्थिती होती.
