घारीवली आणि उसरघर गावातील १५ ते १८ वयोगटातील मुलांसाठी मोफत कोविड लसीकरण शिबिर यशस्वीपणे संपन्न

डोंबिवली (प्रतिनिधी) मनसे पक्षाचे नेते आणि कल्याण ग्रामीण विधानसभा मतदारसंघातील कर्तव्यदक्ष आमदार राजूदादा पाटील यांच्या मार्गदर्शनाखाली घारीवली गावाचे माजी सरपंच तथा मनसे डोंबिवली शहराचे शहर संघटक योगेश रोहिदास पाटील यांच्या सतत प्रयत्नाने कल्याण-डोंबिवली महानगरपालिकेच्या वैद्यकीय आरोग्य विभागाच्या वतीने डोंबिवली (पूर्व) विभागातील कल्याण-शीळ रोड वरील घारीवली गाव गणपती मंदिर आणि उसरघर गाव मराठी शाळा येथे १५ ते १८ वयोगटातील मोफत कोविड लसीकरण शिबिर संपन्न झाले.

सदर मोफत कोविड लसीकरण शिबिरामध्ये घारीवली गाव तसेच आजूबाजूच्या परिसरातील नागरिकांनी सहभाग घेऊन शिबीर यशस्वी केले.