हिंदूंना चीथवणाऱ्यांवर कडक शासन करण्यात यावे ; भाजयुमोचे पोलीस अधीक्षकांना निवेदन !
धुळे (स्वप्नील मराठे) शहरात शिवजयंती निमित्त नवीन महापालिके जवळ बॅनर्स वर पोलीस प्रशासना कडून कारवाई झाली व ते तातडीने काढण्यात आले होते तरी हिंदू समाजाने सामंजस्य दाखवत शांतता कायम राखली परंतु याच कारवाईच भांडवल करत एका विकृताने हिंदू समाजाला डिवचण्याचा खोडसाळ प्रकार केला.
पोलिसांनी आरोपींवर गुन्हा दाखल तर केला परंतु ज्यांनी हा व्हिडिओ निषेधार्थ व समाज जागृती साठी सोशल मीडिया वर शेअर केला अशा लोकंवर देखील पोलिसांनी गुन्हा दाखल केला आहे. तरी निर्मिती व जगृतिकरता प्रसार हे दोन वेगवेगळे विषय असून त्यांना वेग वेगवेगळ्या रित्या गृहीत धरून कारवाई व्हावी असं निवेदन भाजपा युवा मोर्चा धुळे महानगर जिल्हाद्वारे धुळे जिल्हा अप्पर पोलीस अधीक्षक प्रशांत बच्छाव यांना देण्यात आले, यावेळी सदर निवेदनावर कारवाई न झाल्यास भाजयुमो तीव्र आंदोलन छेडणार असा इशारा भाजयुमो जिल्हाध्यक्ष ॲड- रोहित चांदोडे यांनी दिला आहे.
यावेळी भाजपा युवामोर्चा धुळे महानगर सरचिटणीस सचिन पाटील, मकरंद अंपळकर, उपाध्यक्ष पंकज धात्रक, विक्की सोनार, महेश निकम, राहुल मराठे,आतिष चौधरी सचिव सिद्धार्थ अग्रवाल, उपाध्यक्ष हर्षल बोरसे, मंडल अध्यक्ष निलेश गांधलीकर, निलेश मिस्तरी, बबलू बडगुजर, सोशल मीडिया प्रदेश सदस्य भूषण गवळी, सोशल मीडिया संयोजक भावेश शर्मा, विद्यार्थी संयोजक निलेश गीले आदी पदाधिकारी उपस्थित होते.
