शिंदखेडा येथील मध्यवर्ती कार्यालयात शिवसेनेचा जनता दरबार व शिवसेना, युवासेना, महिला आघाडीची महत्त्वाची बैठक

शिंदखेडा (यादवराव सावंत) गोरगरीब, शेतकरी, कष्टकरी, सर्वसामान्य नागरिकांसाठीचे हक्काचे व्यासपीठ असलेला शिवसेनेचा जनता दरबार उद्या दिनांक 14 मार्च 2022 वार सोमवार रोजी शिवसेना मध्यवर्ती कार्यालय छत्रपती शिवाजी महाराज चौफुली शिंदखेडा येथे होणार आहे.

जनता दरबारात शेतकरी, शेतमजूर, गरीब, कष्टकरी यांनी त्यांच्या विविध प्रलंबित समस्या घेऊन उद्या शिंदखेडा येथे सकाळी 11.00 वाजेपासून उपस्थित रहावे. तसेच नगर पंचायत निवडणुकीच्या पार्श्वभूमीवर शिवसेना कार्यालयात दुपारी ठिक 2.00 वाजता शिवसेना, युवासेना, महिला आघाडी यांची महत्त्वाची बैठक आयोजित करण्यात आली आहे. या बैठकीला सहसंपर्कप्रमुख हिलाल अण्णा माळी व शिवसेना जिल्हाप्रमुख हेमंत साळुंके हे मार्गदर्शन करणार आहेत. तरी तालुक्यातील शिवसेना युवासेना महिला आघाडीच्या सर्व कार्यकर्ते पदाधिकारी यांनी बैठकीला उपस्थित राहावे, असे आवाहन जिल्हा संघटक, जिल्हा समन्वयक, उपजिल्हाप्रमुख, उपजिल्हा संघटक, तालुकाप्रमुख, तालुका संघटक यांनी केले आहे.