विश्वासराव फाउंडेशनतर्फे पोस्टमन लोकांचा सत्कार उपक्रम : मेडरिच हेल्थकेअर प्रकल्पाचेही उद्घाटन
अमळनेर : सामाजिकतेचे भान ठेवून विश्वासराव फाउंडेनतर्फे अमळनेर पोस्ट कार्यालयातील पोस्टमन लोकांचा सत्कार करण्यात आला तर अपंग व गरजुंना सायकल तसेच संगणक संच वाटप करण्यात आले.
मराठा मंगल कार्यालयात २८ रोजी झालेल्या कार्यक्रमाचे अध्यक्ष डॉ. अनिल शिंदे, प्रमुख पाहुणे पोलीस निरिक्षक जयपाल हिरे, मनसे तालुकाध्यक्ष अधिकराव पाटील, रवींद्र मोरे, विश्वासराव फाउंडेशनचे चेअरमन अतुल शिसोदे, प्रविण पाटील, प्रदिप पाटील आदींनी दीपप्रज्वलन करुन कार्यक्रमाचे उद्घाटन केले. कार्यक्रमात सब पोस्टमास्टर एन. एस. शेख यांच्यासह १३ पोस्टमन लोकांचा मान्यवरांच्या हस्ते सत्कार करण्यात आला. तसेच उमेश भदाणे व सचिन कोळी या अपंग बांधवांना सायकल देण्यात आल्या तसेच संदेश शिंदे व प्रांजल वसईकर यांना संगणक संच देण्यात आले. यावेळी संस्थेच्या मेडरिच हेल्थकेअर या प्रकल्पाचेही उद्घाटन मान्यवरांच्या हस्ते करण्यात आले. संस्थेचे जपलेले सामाजिक भान लक्षात घेता आयोजित उपक्रमाचे डॉ. अनिल शिंदे आणि पोलीस निरिक्षक जयपाल हिरे यांनी कौतुक केले. सूत्रसंचालन चंद्रकांत पाटील यांनी केले तर आभार रवींद्र मोरे यांनी मानले.
