शिंदखेडा येथील जनता हायस्कूलमध्ये डॉ. बाबासाहेब आंबेडकर यांची जयंती उत्साहात साजरी
शिंदखेडा (यादवराव सावंत) येथील जनता हायस्कूल व कनिष्ठ महाविद्यालय शिंदखेडा येथे क्रांतीसुर्य बोधिसत्व घटनेचे शिल्पकार डॉ. बाबासाहेब आंबेडकर यांची जयंती उत्साहात साजरी करण्यात आली.
संस्थाध्यक्ष मनोहर गोरख पाटील यांच्या हस्ते प्रतिमा पूजन करण्यात आले. कार्यक्रम प्रसंगी संस्थेचे खजिनदार देवेंद्र पोपटराव बोरसे, संचालक प्राध्यापक जितेंद्र गोरख पाटील, प्राचार्य एम डी बोरसे, पर्यवेक्षक उमेश देसले, ज्येष्ठ शिक्षिका एस एस बैसाने, एस एस पाटील आदी उपस्थित होते.
कार्यक्रम प्रसंगी बाबा साहेबांचा जीवनपट व त्यांनी केलेले कार्य कु भूमिका रवींद्र पिंपळे व विराज दिपक कुमार पाटोळे या विद्यार्थ्यांनी आपल्या मनोगतातून विद्यार्थ्यांसमोर मांडले तसेच डि के सोनवणे यांनी बुद्ध वंदना गाऊन बाबासाहेबांना अभिवादन केले. कार्यक्रमाचे सूत्रसंचलन एस ए पाटील यांनी तर मान्यवरांचे आभार ए टी पाटील यांनी मानले.
