शिंदखेडा येथे माजी मंत्री तथा खा. डॉ सुभाष भामरे यांच्या उपस्थितीत भुषण बागुल याचा सत्कार
शिंदखेडा (यादवराव सावंत) शिंदखेडा येथील रहिवासी व अमरिशभाई आर.पटेल स्कुल सीबीएसई शिरपूर येथील विद्यार्थी भूषण गिरीश बागुल ज्युनिअर स्किल नॅशनल कॉम्पिटिशन मध्ये संपूर्ण भारतात प्रथम आल्याबद्दल त्याचा आज बिजासनी मंगल कार्यालय शिंदखेडा येथे पदाधिकाऱ्यांच्या हस्ते सत्कार करण्यात आला.
सत्कार माजी मंत्री तथा खासदार डॉ. सुभाष भामरे यांच्या हस्ते करण्यात आला. याप्रसंगी उपस्थित कामराज निकम उपाध्यक्ष जि प धुळे, नारायण पाटील जिल्हाध्यक्ष भाजपा तथा सभापती कृषी उत्पन्न बाजार समिती दोंडाईचा, अनिल वानखेडे नगरपंचायत गटनेते, भरत पवार पं स सभापती शिंदखेडा , डी आर पाटील जि प सदस्य, पंकज कदम जि प सदस्य, भिला पाटील उपनगराध्यक्ष नगरपंचायत शिंदखेडा, उपसभापती प स शिंदखेडा, नगरसेवक प्रकाश देसले , शिंदखेडा व पदाधिकारी यांच्या हस्ते सत्कार करण्यात आला. प्रसंगी भूषण चे वडील गिरीश बागुल यांनी प्रास्ताविक करताना स्पर्धेचे स्वरूप विशद केले आणि देश पातळीवर पहिला कसा आला याविषयी सविस्तर बोलले खासदार डॉ. सुभाष भामरे यांनी कौतुक करताना ग्रामीण भागातला एक मुलगा सुद्धा देश पातळीवर पहिला येवू शकतो असे गौरवोद्गार काढले.
