अभिनेत्री राखी सावंत वर गुन्हा दाखल करा ; आदिवासी टायगर सेनाचे दोंडाईचा पोलीस स्टेशनला निवेदन

मालपुर : अभिनेत्री राखी सावंत यांनी आदिवासी समाजाला उद्देशून अश्लील अंग प्रदर्शन कृती करत अश्लील व्हिडिओ बनवून ViRalbhayah या नावांच्या आयडीवर इन्स्ट्रागाम व व्हाट्सअँपवर, अशा सोशल मीडियावर टाकत संपूर्ण आदिवासी समाजाची बदनामी केली आहे व जाणीव पुर्वक तेढ निर्माण होईल, यासाठी आक्षेपार्ह शब्द वापरून वाईट कृती केली आहे. राखी सावंतच्या या वाईट कृत्याचा आदिवासी टायगर सेना A.T.S. धुळे जिल्हातर्फे जाहीर निषेध करण्यात आला व दोंडाईचा पोलीस स्टेशन येथे निवेदन देण्यात आले.

यावेळी किशोर ठाकरे (जिल्हाध्यक्ष A.T.S. धुळे जिल्हा), रविंद्र ठाकरे संपर्क प्रमुख शिंदखेडा दोंडाईचा, कुष्णा मालचे तालुकाध्यक्ष दोंडाईचा, विठ्ठल सोनवणे उपतालुकाध्यक्ष दोंडाईचा, विजय मालचे दोंडाईचा, तालुका कार्यध्यक्ष योगेश मालचे दोंडाईचा, शिंदखेडा सरचिटणीस व आदिवासी टायगर सेनाचे कार्यकर्ते व समाजबांधव उपस्थित होते.