लोकशाही बळकटीसाठी संविधान महत्वाचे – डॉ. संजय पाटील

चोपडा : पंकज कला व विज्ञान महाविद्यालय राष्ट्रीय सेवा योजना विभाग राज्यशास्त्र विभाग व विद्यार्थी विकास विभाग यांच्या संयुक्त विद्यमाने संविधान दिवस साजरा करण्यात आला. कार्यक्रमाची सुरुवात डॉ. बाबासाहेब आंबेडकरांच्या प्रतिमेला व संविधानाच्या प्रतिला माल्यार्पण करून करण्यात आली. यावेळी डॉ संजय पाटील यांनी संविधानाची ऐतिहासिक पार्श्वभूमी स्पष्ट करुन सांगितली, संविधानाचे कलमं त्याची नियमावली स्पष्ट करून सांगितले. तसेच संविधानामुळे लोकशाहीचे बळकटीकरण झाले. संविधानाने सर्व क्षेत्रांमधील तळागाळातील जनतेला समानतेचा हक्क प्राप्त करून दिला. हक्काचे संरक्षण करून त्यांना समानतेची वागणूक मिळवून देण्यासाठी महत्त्वपूर्ण भूमिका राहिली. अध्यक्षीय मनोगतात महाविद्यालयाचे प्राचार्य डॉ. महादेव वाघमोडे यांनी संविधानामुळे स्त्रियांना हक्क प्राप्त झाले असे मत व्यक्त केले. यावेळी भारतीय संविधानाच्या प्रास्ताविकेचे वाचन डॉ. नंदिनी वाघ यांनी केले . यावेळी कार्यक्रमाचे सूत्रसंचालन प्रा. सुनील सुरवाडे यांनी केले, तर आभार प्रा. दिलीप गिर्हे यांनी व्यक्त केले.यावेळी महाविद्यालयातील सर्व प्राध्यापक व प्रशासकीय कर्मचारी उपस्थित होते.