देवेंद्र फडणवीस यांच्यावर गुन्हा दाखल करा ; बहुजन मुक्ती पार्टीची मागणी
बुलडाणा (करण झनके) माजी मुख्यमंत्री विरोधी पक्ष नेते देवेंद्र फडणवीस यांनी दिनांक २६ जानेवारी २०२२ रोजी शहीद हजरत टिपू सुलतान यांच्या बद्दल अपशब्द बोलल्या बद्दल बहुजण मुक्ती पार्टीच्या वतीने आज बुधवार जिल्हाधिकारी कार्यालयासमोर हजरत टिपू सुलतान यांच्या विषयी देवेंद्र फडणवीस यांनी केलेल्या अवमान जनक उल्लेखाचा निषेध करीत आंदोलन करण्यात आले. या आंदोलनाचे नेतृत्व बहुजन मुक्ती पार्टी लोकसभा प्रभारी विशाल वाकोडे यांनी केले.
यावेळी त्यांनी सांगितले की १५६ मंदिरांना हजरत टिपू सुलतान यांनी मदत केल्याचा इतिहासात पुरावा आहे. शृंगेरी च्या मठावर पटवर्धन पेशव्यानी जेव्हा हल्ला केला तेव्हा त्या मठाला वाचवण्यासाठी टिपू सुलतान यांनी मदत केली. बहुजन स्त्रियांना दक्षिणेत कमरेच्या वर कपड़े घालण्याचा अधिकार नव्हता, तो अधिकार मिळवून देणारे सर्व प्रथम राजे टिपू सुलतान आहेत. एवढा सगळा इतिहास असताना त्यांना हिंदू विरोधी संबोधने केवळ धार्मिक तेढ निर्माण करण्याचे काम आहे. त्यामुळे प्रशासनाने जागृत होऊन त्वरित फडणवीसांवर गुन्हा दाखल करावा अशी मागणी यावेळी बहुजन मुक्ती पार्टी बुलडाणा च्या वतीने करण्यात आली.
