बोडवडच्या तरुणाचा जामनेर येथील कांग नदीच्या पुलाखाली आढळला मृतदेह

बोडवड (प्रतिनिधी) जामनेर येथील कांग नदीच्या पात्रात बोदवड रस्त्याच्या पुलाखाली बोदवड येथील तरुणाचा मृतदेह दुचाकीसह आढळुन आल्याची घटना उघडकीस आली आहे. दरम्यान या तरुणाचा अपघात झाला की हत्या ? याचा पोलिसांकडून शोध घेतला जात असून शुभम माळी (वय २५ रा. दत्त कॉलनी बोदवड) असे मयत तरुणाचे नाव असून, त्याचा मृतदेह जामनेर ग्रामीण उपजिल्हा रुग्णालयात पाठविण्यात आला आहे.

याबाबत सविस्तर वृत्त असे की शुभम माळी हा वाहन चालक असून त्याचा मृतदेह आज जामनेर शहरातील कांग नदीच्या पात्रात बोदवड रस्त्यावरील पुलाखाली आढळून आला आहे. त्याच्या चेहऱ्यावर मार लागला असून जवळच त्याची एम. एच,19 डी. 2639 या क्रमांकाची दुचाकी देखील आढळून आली आहे. दरम्यान शुभम माळी याचा अपघात झाला की हत्या याचा जामनेर पोलीस शोध घेत आहेत.