धुळे (विक्की आहिरे) तालुक्यातील वणी येथे राज्य परिवहन महामंडळाची बस व कारमध्ये समोरासमोर धडक होवून झालेल्या अपघातात एकजण ठार तर एक झाल्याची घटना घडली. याप्रकरणी धुळे तालुका पोलिस ठाण्यात नोंद करण्यात आली आहे.
वणी गावाजवळ राज्य परिवहन महामंडळाची चोपड्याकडून अमळनेरमार्गे धुळ्याकडे येणार बस व कार मध्ये समोरासमोर धडक झाली. या अपघामुळे कारच्या पुढील भागाचा चक्काचूर झाला तसेच बसच्याही पुढील भागाचे नुकसान झाले. कारमधील दोघे गंभीर जखमी झाले. कारमधील दोघांना बाहेर काढून हिरे वैद्यकीय महाविद्यालयाच्या रुग्णालयात दाखल करण्यात आले. उपचारादरम्यान यातील एकाचा मृत्यू झाला तर दुसऱ्या जखमींवर उपचार सुरू आहेत. याप्रकरणी धुळे तालुका पोलिस ठाण्यात अपघाताची नोंद करण्यात आली आहे.
