गोंडगाव (सतीश पाटील) महाराष्ट्र राज्य विद्युत महामंडळ भडगाव तर्फे कृषी संजिवनी घरगुती ग्राहकांसाठी तक्रार निवारण केंद्र आज राम मंदिर गोंडगाव येथे आयोजित करण्यात आले होते. यावेळी शेतकऱ्यांचे तीन एचपीचे बिल असलेलं कनेक्शन धारकांसाठी पाच बिल येत आहे अशा अनेक तक्रारी यावेळी करण्यात आल्या तर काही घरगुती ग्राहकांच्या आवाजवी बिला संदर्भात तक्रारी आल्या होत्या. मात्र यापुढे सर्व निवारण व्यवस्थित होईल नागरिकांनी बिल भरून सहकार्य करावे असे आवाहन भडगाव महामंडळ अभियंता दहिवले यांनी केले आहे.
मंजूर भारपेक्षा डीपीवर अधिक लोड असल्याने काही शेतकऱ्यांना वीज मिळत नसल्याच्या तक्रारी प्राप्त झाल्या होत्या. नवीन डीपी लवकरच मंजूर होईल असे आश्वासन यावेळी देण्यात आले. तर काही शेतकऱ्यांच्या शेतावरचे पोल जीर्ण झाले असून त्यांची लवकरच बदली केली जाईल, असेही आश्वासन देण्यात आले. यावेळी वायरमन मोरे, लाईनमन अनिल महाजन, गौरव पाटील, आधी कर्मचारी हजर होते.
