शिंदखेडा येथील वसतिगृहासमोर विद्यार्थी पालकांसह आमरण उपोषणाचा दुसरा दिवस

शिंदखेडा (यादवराव सावंत) येथील संत गुलाब महाराज आदिवासी मुलांच्या वसतिगृहासमोर वालखेडा येथील अविनाश दिलीप कोळी व हितेश दिलीप कोळी हया दोन्हीही विद्यार्थीचे गेल्या दोन वर्षापासून प्रवेश रद्द करण्यात आला आहे. संबधीत प्रकल्प अधिकारी धुळे यांनी संविधानीक आधार न घेता प्रकिया केली आहे.म्हणुन संबंधित सर्व कार्यालयात आधी निवेदन सादर करून पुर्वसुचना देवुन काल दि.15 मार्च पासून वसतिगृहासमोर विदयार्थी व पालक आई सरलाबाई दिलीप कोळी हे आमरण उपोषणास बसले आहेत.आज दुसर्‍या दिवशी दुपारी शिंदखेडा तहसीलदार सुनील सैदाणे सह मंडळाधिकारी आर.एच कोळी यांनी उपोषण स्थळी भेट दिल्यावर उपोषणास बसलेल्याची समजूत काढण्याचा प्रयत्न करीत उपोषण मागे घेण्यात यावे असे सांगितले. मात्र जोपर्यंत विदयार्थी ना वसतिगृहात प्रवेश मिळत नाही तोपर्यंत उपोषण सोडणार नाहीत.यावर आम्ही ठाम आहोत.

विशेष म्हणजे वसतिगृहाचे जबाबदार अधिकारी व धुळे येथील प्रकल्प अधिकारी यांच्याकडून दोन दिवस उपोषणाला झाले तरी दखल न घेणे व साधी विचारपूस देखील केली नाही. म्हणून अशा झोपेचे सोंग घेऊन बसलेल्या अधिकारी वर कठोर कारवाई शासन व्हायला पाहीजे अशी उपोषण कर्ते व पाठिंबा दर्शविणारे स्वाभिमानी रिपब्लिकन पक्षाचे अध्यक्ष मिलिंद पाटोळे व वंचित बहुजन आघाडीचे विधानसभा क्षेत्र अध्यक्ष नामदेव येळवे यासह अॅड.अरविंद मंगासे यासह पदाधिकारी व कार्यकर्ते यांनी केली आहे.