मुक्ताईनगर (सचिन झनके) (शैलेश गुरचळ) मुक्ताईनगर तालुक्यातील रुईखेडा येथे जुगार अड्यावर पोलिसांनी धाड टाकून सात जणांवर कारवाई करत त्यांच्याकडून १४ हजार २३० रुपये किमतीचामुद्देमाल हस्तगत करण्यात आला आहे. याबाबत मुक्ताईनगर पोलिस ठाण्यात गुन्हा दाखल करण्यात आला आहे.
मुक्ताईनगर पोलिसांनी दिलेल्या माहितीनुसार, तालुक्यातील रुईखेडा गावी येथील राजाराम गणू लोखंडे यांच्या घराच्या मोकळ्या जागेमध्ये जुगार सुरू असल्याची गोपनीय माहिती मुक्ताईनगर पोलीस ठाण्याचे पोलीस निरीक्षक यांना मिळाली. बुधवार १६ मार्च रोजी रात्री ११ वाजेच्या सुमारास धाड टाकून सुमारे १४ हजार २३० रुपये किमतीचा मुद्देमाल हस्तगत करण्यात आला आहे. याप्रकरणी पोलीस रवींद्र विठ्ठल धनगर यांच्या फिर्यादीवरून संशयित आरोपी सुनील विलास वराडे (वय-३५), गजानन त्र्यंबक वराडे (वय ४५), अनिल शामराव लोखंडे (वय-४१), गोपाळ सोपान पाटील (वय-३५), राजाराम गणू लोखंडे (वय ५८), शोक रमा सरोदे (वय-६०) आणि शालिक सलीम वंजारी वंजारी (वय-३२) सर्व रा. रुईखेडा ता.मुक्ताईनगर यांच्या विरोधात मुक्ताईनगर पोलीस ठाण्यात गुन्हा दाखल करण्यात आला आहे.
