मुक्ताईनगर (शैलेश गुरचळ) आज रुईखेडा येथे सकाळी ८ वाजता येणारी मुक्ताईनगर ते मलकापूर महामंडळाची लाल परी लोकांना दिसली आणि लोकांना खूप आनंद झाला. कित्येक महिन्यापासून बंद असलेली लाल परी आज सुरू झाली तेव्हा रुईखेडा येथे सरपंच उषा गुरचळ यांनी महामंडळाच्या बसला हार टाकून पूजन केले. त्या वेळी चालक गजानन पाटील आणि वाहक चंद्रकांत सपकाळ यांचे सुद्धा औक्षण करून फुल हार घालण्यात आले. यावेळी उपस्थित ग्राम. सदस्य वासुदेव बढे, अजय गुरचळ, निलेश गुरचळ व ग्रामस्थ उपस्थित होते.
