अहिर सुवर्णकार समाजातर्फे विधायक उपक्रम मंगळ बाधा व दोष निर्मुलनासाठी अमळनेर येथे विनामूल्य अभिषेक

अमळनेर : सध्याच्या धावपळीच्या युगात वेळेअभावी शक्य न होणाऱ्या सामाजिक कार्याचा विडा नंदुरबार येथील सतीश प्रभाकर वानखेडे यांनी उचलला आहे. या नामीसंधीचा फायदा सुवर्णकार समाजबांधवांनी अवश्य घेण्याचे आवाहन नंदुरबार अहिर सुवर्णकार समाजातर्फे करण्यात आले आहे.

घर परिवार तसेच कुटुंबात किंवा आपल्या नाते संबंधात कोणी मंगळ बाधित मुलगा व मुलगी असेल त्यांची मंगळ ग्रहशांती व अभिषेक, जग प्रसिद्ध अशा अमळनेर (जिल्हा जळगाव) येथील मंगळ ग्रह महाराज मंदिरात सामुहिकरित्या विनामुल्य आहे. यानिमित्ताने जी मंगळ बाधित मुले – मुली, थोडे दुर्लक्षित व उपेक्षित राहून गेले आहेत. त्यामुळे त्यांचे पालकही चिंताग्रस्त आहेत. त्यांची मंगळशांती पुजा व आपसात ओळख परिचय घडवुन आणावा असा नम्र उद्देश नंदुरबार सोनार समाज कार्यकारिणी साकारत आहेत. पूजा दि. 25 एप्रिल सोमवार सकाळी 11 वा. आयोजित करण्यात आली आहे. सतीश प्रभाकर वानखेडे, राजेंद्र अभिमनुशेठ जाधव नंदुरबार अहिर सुवर्णकार समाज यांच्यातर्फे आवाहन करण्यात आले आहे.